ابوظہبی کے ولی عہد کا اسرائیل میں 12 ارب ڈالر کی سرمایہ کاری کا اعلان

شیعیت نیوز: اسرائیلی وزیر اعظم بنجمن نیتن یاھو نے کہا ہے کہ ابوظہبی کے ولی عہد شہزادہ محمد بن زائد نے اسرائیل میں 40 ارب شیکل (12 ارب ڈالر) کی سرمایہ کاری کا اعلان کیا ہے۔ اسرائیلی وزیراعظم نے  یہ بات اسرائیلی فوجی ریڈیو کو دیے گیے ایک انٹرویو میں کہی۔

القدس العربی ویب سائٹ کی رپورٹ کے مطابق اسرائیلی وزیر اعظم کا کہنا ہے کہ ابوظہبی کے ولی عہد شہزادہ مقبوضہ علاقوں میں کئی ملین ڈالر کی سرمایہ کاری کے لئے تیار ہیں۔

واضح رہے کہ بنجمن نیتن یاھو نے پیر کے روز اسرائیلی فوج کے ریڈیو کو انٹرویو دیتے ہوئے اعلان کیا کہ محمد بن زائد نے مقبوضہ علاقوں میں 40 ارب شیکل (12 ملین ڈالر) کی سرمایہ کاری کرنے کے لئے رضاکارانہ طور پر اعلان کیا ہے۔

اسرائیلی وزیر اعظم نے مزید کہا کہ ابوظہبی کے ولی عہد محمد بن زائد  بتایا کہ وہ ان منصوبوں میں شراکت دار بننا چاہتے ہیں جو کورونا (وبائی بیماری) کے بعد اسرائیل کی معیشت کو فروغ دیں گے۔

یہ بھی پڑھیں : رام اللہ میں اسرائیلی فوجیوں نے دو فلسطینی بچوں کو گولی مار دی

اسرائیلی وزیر اعظم کے اس بیان پر متحدہ عرب امارات کے عہدیداروں کی طرف سے ابھی تک کوئی سرکاری بیان سامنے نہیں آیا ہے، اسی اثنا میں نیتن یاہو نے جمعہ کے روز متحدہ عرب امارات کا دوسرا دورہ بے بنیاد وجوہات کی بناء پر منسوخ کردیا، یاد رہے کہ متحدہ عرب امارات نے مقبوضہ علاقوں میں پہلے ہی 10 ارب ڈالر کی سرمایہ کاری فنڈ قائم کیا ہے۔

دورہ منسوخ ہونے کے بعد امارات نے اعلان کیا  تھا کہ وہ  اسرائیل میں  10 ارب ڈالر کی سرمایہ کاری کی تیاری کررہا ہے۔ اس مقصد کے لیے فنڈ کا اعلان اسی دن بن زائد اور نیتن یاہو کے مابین ایک فون کال کے بعد کیا گیا تھا۔

یروشلم میں صیہونی میڈیا نےاس فنڈ کے افتتاح کو بنجمن نیتن یاھو اور محمد بن زائد کے مابین ایک فون کال کا نتیجہ قرار دیا، در ایں اثنا صیہونی حکومت کے وزیر اعظم نے اس فنڈ کے قیام کے اقدام کو ابو ظہبی کے صیہونی اقتصاد کو مضبوط کرنے کے رجحان کی طرف منسوب کیا۔

یہ بھی پڑھیں : یروشلم میں کوسوو کے سفارت خانے کے قیام کا اقدام قابل مذمت ہے، اردن

یادرہے کہ مقبوضہ علاقوں میں متحدہ عرب امارات کے 10 بلین ڈالر کے سرمایہ کاری فنڈ کی تشکیل کو ابوظہبی تل ابیب کے ساتھ سمجھوتہ کی روشنی میں تازہ ترین پیش رفت سمجھا جاتا ہے۔

یادرہے کہ متحدہ عرب امارات کے ایڈوانسڈ ڈیفنس ٹیکنالوجی گروپ (ای ڈی جی ای) نے حال ہی میں اسرائیلی ایئرو اسپیس کمپنی جو ایئرو اسپیس میں مہارت رکھتی ہے ،اس کے ساتھ مفاہمت کی یادداشت پر دستخط کیے جس کا مقصد ڈرونز کا مقابلہ کرنے کے لئے ایک جدید نظام تیار کرنا ہے۔

واضح رہے کہ گذشتہ سال ستمبر میں صیہونی حکومت اور متحدہ عرب امارات نے واشنگٹن میں سابق امریکی صدر ڈونلڈ ٹرمپ کی نگرانی میں امن معاہدے پر دستخط کیےجس کو فلسطینی عوام کے حقوق کی صریح خلاف ورزی سمجھا جا رہا ہے۔