عراق: حشدالشعبی کے جوانوں کی شہادت کے بعد داعش کے 8 ٹھکانے تباہ

شیعیت نیوز: عراق کے صوبہ صلاح الدین میں حشدالشعبی کے جوانوں کی شہادت اور بغداد میں ہونے والے خودکش حملوں کے بعد عراق کی سکیورٹی فرسز نے دہشت گرد گروہ داعش کے خلاف بڑے پیمانے پر کارروائی شروع کردی ہے۔

عراق کی عوامی رضاکار فورس حشدالشعبی کے رہنما علی الحسینی نے بغداد الیوم کے ساتھ گفتگو کرتے ہوئے کہا کہ حشدالشعبی کے جوان دیالہ، صلاح الدین اور کرکوک میں دہشت گرد گروہ داعش کی دہشت گردانہ کارروائیوں کا مقابلہ کرنے کیلئے تیار ہے ۔

عراق کی مرکزی پلیس سے وابستہ انفارمیشن آفس نے ایک بیان جاری کرتے ہوئے کہا کہ عراق کی فضائیہ نے صوبہ دیالہ کے الخیلاویہ اورالطبج علاقوں میں داعش کے ٹھکانوں پر بمباری کی جس کے نتیجے میں داعش کے 8 ٹھکانے تباہ ہو گئے۔

واضح رہے کہ دہشت گرد گروہ داعش کے دہشت گردوں نے گزشتہ روز عراق کے صوبہ صلاح الدین کے العیث علاقے میں حشدالشعبی کے 22 ویں بٹالین پر حملہ کیا جس کے نتیجے میں ایک کمانڈر سمیت 9 جوان شہید ہوئے تھے جبکہ جمعرات کے روز بغداد میں ہونے والے 2 خودکش دھماکوں میں 35 افراد جاں بحق اور 110 زخمی ہوئے تھے۔

یہ بھی پڑھیں : عراقی عوامی رضاکار فورس حشدالشعبی کے 10 جوان شہید

دوسری جانب عراق کے الوعد الحق گروہ نے سعودی دارالحکومت ریاض کی فضا میں ہونے والی کارروائی کی ذمہ داری قبول کی۔

فارس خبر رساں ایجنسی کی رپورٹ کے مطابق عراق کے الوعد الحق گروہ نے اتوار کے روز ایک بیان جاری کرکے سعودی دارالحکومت ریاض میں ہونے والے ڈرون حملے کی ذمہ داری قبول کرتے ہوئے کہا کہ یہ حملہ بغداد کے دہشت گردانہ حملوں میں شہید ہونے والوں کے خون کا انتقام ہے۔

یمن پر حملہ کرنے والے سعودی اتحاد نے کل اعلان کیا تھا کہ ریاض کی فضا میں ایک ہدف کو نشانہ بنایا گیا۔

درایں اثنا الجزیرہ ٹی وی نے رپورٹ دی ہے کہ سعودی عرب کے میزائل دفاعی سسٹم نے ریاض کی فضاؤں میں ایک میزائل کو تباہ کر دیا ہے۔ اس درمیان اطلاعات ہیں کہ ریاض ہوائی اڈے پر پروازیں معطل کر دی گئی ہیں اور ریاض جانے والی سبھی پروازوں کو دمام شہر کے ہوائی اڈے پر اترنے کا حکم دیا گیا ہے۔

واضح رہے کہ جمعرات کے روز بغداد میں الطیران اسکوائر میں ہونےوالے دو خودکش بم دھماکوں میں 35 افراد جاں بحق اور 110 سے زیادہ زخمی ہوئے تھے ۔