امریکی اٹارنی جنرل نے مادورو کی گرفتاری کے لیے 50 ملین ڈالر انعام کا اعلان کیا
مادورو کو منشیات اسمگلنگ اور دہشت گردی کے الزامات کا سامنا، امریکہ نے ضبط کیے 70 کروڑ ڈالر سے زائد اثاثے
شیعیت نیوز : امریکہ کے اٹارنی جنرل نے اعلان کیا ہے کہ واشنگٹن، وینیزویلا کے صدر نیکولاس مادورو کی گرفتاری میں مدد دینے والی معلومات کے عوض 50 ملین ڈالر کا انعام مقرر کر رہا ہے۔
روئٹرز کے مطابق، امریکی اٹارنی جنرل پم باندی نے کہا کہ مادورو امریکا کی قومی سلامتی کے لیے خطرہ ہیں اور امریکہ ان سے منسلک 70 کروڑ ڈالر سے زائد کے اثاثے، جن میں 2 طیارے اور 9 گاڑیاں شامل ہیں، ضبط کرچکا ہے۔
یہ بھی پڑھیں : سپاہ پاسداران کے سربراہ کی علی لاریجانی، علی اکبر احمدیان اور علی شمخانی کو دفاع کونسل میں تعیناتی پر مبارکباد
امریکی اٹارنی جنرل نے الزام عائد کیا کہ مادورو دنیا کے سب سے بڑے منشیات اسمگلروں میں سے ایک ہیں اور وہ اپنے ملک میں دہشت گردانہ حکمرانی کر رہے ہیں۔
انہوں نے مزید کہا کہ واشنگٹن مادورو کو انصاف کے کٹہرے میں لائے گا اور وہ اپنے سنگین جرائم کی سزا ضرور پائیں گے۔
