لندن میں فلسطینیوں پر مظالم کے خلاف احتجاج، فضا اسرائیل مردہ باد سے گونج اٹھی

شیعیت نیوز: غاصب اسرائیلی ظالم فورسز کی طرف سے جنین پر جارحیت کے خلاف لندن میں سیکڑوں افراد نے مظاہرہ کیا اور مردہ باد اسرائیل کے فلک شگاف نعرے لگائے۔

برطانوی دارالحکومت لندن میں ہونے والے مظاہرے میں شرکا نے اسرائیلی جارحیت کی مذمت کی، اسرائیل کے خلاف نعرے لگائے اور فلسطینیوں کے خلاف جارحیت کو روکنے اور قبضہ گری کے خاتمے کا مطالبہ کیا۔

یہ بھی پڑھیں : عراق میں سکیورٹی عناصر کی موجودگی کا اعتراف خطرے کی علامت ہے، حزب الله بریگیڈ

مظاہرین نے جن کے ہاتھوں میں فلسطینی پرچم تھے، فلسطینی سرزمین کی آزادی اور صیہونی حکومت کے خلاف نعرے لگا رہے تھے۔

واضح رہے کہ جنین پر دو روزہ حملے کے بعد جو پیر کی صبح شروع ہوا اور دعویٰ کیا گیا کہ اس کا مقصد جنین میں مزاحمت کو ختم کرنا تھا۔

یہ بھی پڑھیں : جنین پناہ گزین کیمپ پر حملے کے خلاف جنگ میں ایک صہیونی فوجی جہنم واصل

اسرائیلی فوج کے ترجمان نے دعویٰ کیا کہ ہم نے 300 افراد کو گرفتار کیا، جن میں سے 12 مسلح تھے۔ یہ دعویٰ ایسے وقت میں کیا گیا کہ جب حملے سے قبل کہا گیا تھا کہ جنین میں 300 سے زائد مسلح افراد موجود ہیں۔

جنین کے کیمپ پر صیہونی فوجیوں کے حملے میں 13 فلسطینی شہید اور 117 زخمی ہوئے۔