امریکہ چین کے ملکی معاملات میں مداخلت بند کرے، وزیر خارجہ چن گینگ

شیعیت نیوز: چین کے وزیر خارجہ چن گینگ نے اپنے امریکی ہم منصب انٹونی بلنکن کو پیغام دیا ہے کہ واشنگٹن ان کے ملکی معاملات میں مداخلت بند کرے اور چین کے مفادات کا احترام رکھے۔

چین کے وزیر خارجہ چن گینگ نے اپنے امریکی ہم منصب انٹونی بلنکن کو پیغام دیا ہے کہ واشنگٹن ان کے ملکی معاملات میں مداخلت بند کرے اور چین کے مفادات کا احترام رکھے۔

یہ بھی پڑھیں : ایران اور بحرین کے سفارتی تعلقات کے حوالے سے امریکی اعلی سفارتی اہلکار کا اہم انکشاف

اتوار کو امریکی سیکریٹری خارجہ کے مجوزہ دورہ چین سے قبل دونوں وزرا کے درمیان ٹیلیفون پر بات چیت ہوئی۔ چینی وزیر خارجہ  چن گینگ نے کہا کہ اس سال کا آغاز ہوتے ہی چین امریکی تعلقات نے نئی مشکلات اور چینلجز کا سامنا کیا ہے۔

ان کا کہنا تھا کہ یہ واضح ہے کہ اس کا ذمہ دار کون ہے، چین نے ہمیشہ امریکہ کے ساتھ تعلقات کو باہمی احترام، پرامن بقائے باہمی اور تعاون کی نظر سے دیکھا ہے، یہ اصول صدر شی جن پنگ نے پیش کیا ہے۔

امریکی سیکریٹری خارجہ نے ٹوئٹر پر بتایا کہ انہوں نے چینی ہم منصب سے رابطے کے ذرائع کھلے رکھنے کی کوششوں پر بات چیت کی، ساتھ ہی دو طرفہ اور عالمی مسائل پر بھی گفتگو ہوئی۔

یہ بھی پڑھیں : کالعدم سپاہ صحابہ /لشکر جھنگوی کی خوشنودی کی خاطر متعصب پی ڈی ایم حکومت نے عالمی انقلابی ترانہ ’’سلام فرماندے‘‘ پرپابندی عائد کردی

امریکہ کے محکمہ خارجہ کے ترجمان میتھیو ملر نے کہا کہ انٹونی بلنکن نے واضح کیا کہ امریکہ سفارتی سطح پر توجہ طلب معاملات اٹھاتا رہے گا اور تعاون کے شعبوں کی نشاندہی بھی کرے گا۔

واضح رہے کہ انٹونی بلنکن اتوار کو چین کا دورہ کریں گے، یہ اکتوبر 2018 کے بعد امریکی سیکریٹری خارجہ کا پہلا دورہ چین ہوگا۔