ایران پر کیمیائی و حیاتیاتی ہتھیاروں کے الزامات جنگ کا جواز گھڑنے کا پرانا امریکی حربہ ہیں، ترجمان ایرانی وزارت خارجہ

20 نومبر, 2026 17:48

شیعیت نیوز : ایرانی وزارت خارجہ کے ترجمان اسماعیل بقائی نے ایران میں کیمیائی اور حیاتیاتی ہتھیاروں کی تیاری کے شواہد سے متعلق امریکی دعوؤں کو مسترد کرتے ہوئے کہا ہے کہ یہ الزامات عالمی رائے عامہ میں خوف پھیلانے اور جنگ و جارحیت کا جواز پیدا کرنے کے لیے جھوٹ گھڑنے کے پرانے طریقے کی تکرار کے سوا کچھ نہیں۔ انہوں نے کہا کہ امریکی حکام ایران کے مبینہ جوہری خطرے کے حوالے سے ایک بڑا جھوٹ گھڑنے کے بعد اب حیاتیاتی اور کیمیائی ہتھیاروں کا نیا دعویٰ لے کر سامنے آ گئے ہیں۔ ان کے مطابق الزامات مسلسل تبدیل ہوتے رہتے ہیں لیکن ان کے پیچھے بیانیے کا انداز ایک ہی ہے، اور امریکی حکام بظاہر یہ سمجھتے ہیں کہ دنیا اجتماعی طور پر سب کچھ بھول چکی ہے، بالکل اسی طرح جیسے اینیمیٹڈ فلم ’’فائنڈنگ نیمو‘‘ کی بھلکڑ مچھلی ’ڈوری‘ ہر بات بھول جاتی ہے۔

یہ بھی پڑھیں : غزہ میں ڈرون حملوں سے ایک فلسطینی شہید، متعدد زخمی

ترجمان ایرانی دفتر خارجہ نے تاریخ کا حوالہ دیتے ہوئے سوال اٹھایا کہ کیا امریکی حکام یہ توقع رکھتے ہیں کہ عالمی رائے عامہ 2003 میں اقوام متحدہ کی سلامتی کونسل میں اس وقت کے امریکی وزیر خارجہ کولن پاول کا بدنام زمانہ ڈرامہ بھول چکی ہے؟ انہوں نے یاد دلایا کہ کولن پاول نے ایک چھوٹی سی شیشی ہاتھ میں اٹھا کر اسے عراق کے مبینہ تباہ کن ہتھیاروں کے خطرے کی علامت کے طور پر پیش کیا تھا، جو بعد ازاں جدید تاریخ کے مہلک ترین سیاسی فریبوں میں سے ایک کی مستقل علامت بن گئی۔

اسماعیل بقائی کا کہنا تھا کہ عراق میں تباہ کن ہتھیاروں سے متعلق جھوٹے الزامات کو عالمی رائے عامہ کو مشتعل کرنے اور اس ملک پر فوجی حملے کی راہ ہموار کرنے کے لیے استعمال کیا گیا، جس کے نتائج نہ صرف عراقی عوام بلکہ پورے خطے اور خود امریکہ کے لیے بھی تباہ کن ثابت ہوئے۔ انہوں نے خبردار کیا کہ آج دنیا ایک بار پھر اسی مقام پر کھڑی ہے جہاں منحوس الزامات اور جھوٹے بیانیوں کی تکرار کی جا رہی ہے، اور سوال کیا کہ کیا عالمی برادری نے 2003 کی تباہ کن غلطیوں سے کوئی سبق سیکھا ہے یا اسے ایک بار پھر آسانی سے دھوکا کھانے دیا جائے گا؟

8:35 شام نومبر 20, 2026
بریکنگ نیوز:
اوپر تک سکرول کریں۔