مقبوضہ مغربی کنارے میں چوبیس گھنٹوں میں 25 مزاحمتی کارروائیاں
شیعیت نیوز: گذشتہ چوبیس گھنٹوں کے دوران مقبوضہ مغربی کنارے میں مزاحمتی کارروائیاں جاری رہیں اور مزاحمت کی 25 کارروائیاں ہوئیں، جن میں فائرنگ، دھماکہ خیز ڈیوائسز کا دھماکہ، مولوٹوف کاک ٹیل پھینکنے اور آباد کاروں کے حملوں کا سامنا کرنا شامل ہے۔
فلسطینی انفارمیشن سینٹر ’’معطی‘‘ نے مقبوضہ مغربی کنارے کے 11 مقامات پر تصادم کے پھوٹ پڑنے کے علاوہ فائرنگ کے 9 واقعات رپورٹ کیے۔
یہ بھی پڑھیں : فلسطین، غزہ، بیت لحم اور رام اللہ میں صہیونی سیکورٹی فورسز کے فلسطینیوں پر حملے
ایک دھماکہ خیز ڈیوائس کا دھماکہ کیا۔ مولوٹوف کاک ٹیل پھینکے، آباد کاروں کے دو حملوں کا سامنا کیا اور ایک فوجی گاڑی کو نقصان پہنچایا گیا۔
فلسطینیوں نے رام اللہ کے المغیر گاؤں میں آباد کاروں کے حملوں کو پسپا کیا، جب کہ پتھراؤ سمیت پرتشدد تصادم شروع ہوئے۔
جنین کیمپ میں شدید جھڑپیں شروع ہوئیں، جب کہ مزاحمت کاروں نے کیمپ میں موجود قابض اسرائیلی فوجیوں کو گولیوں سے نشانہ بنایا۔ اس کے علاوہ بارودی آلات کو بھی دھماکے سے اڑا دیا، جس سے قابض اسرائیلی فوج کی ایک فوجی گاڑی کو نقصان پہنچا۔
یہ بھی پڑھیں : مسجد الاقصیٰ میں عیسائیوں کی مذہبی تقریب پر صیہونیوں کا حملہ
جنین میں قابض اسرائیلی فوجیوں کو نشانہ بناتے ہوئے 5 مقامات پر فائرنگ کی گئی، جنین کے مشرقی علاقے کے علاوہ المراح، البیادر اور فرعون کے علاقوں میں شہداء چوک میں فائرنگ کی گئی۔
نابلس میں متعدد تصادم ہوئے۔بیت فوریک، عسکر کیمپ اور شہر کے مشرقی علاقے میں ہونے والے تصادم میں قابض اسرائیلی افواج کو نشانہ بناتے ہوئے فائرنگ کی گئی۔
