امریکی اقدامات، انسانیت کو عالمی جنگ کی طرف لے جا رہے ہیں، مہاتیر محمد

شیعیت نیوز: ملائیشیا کے سابق وزیراعظم نے خبردار کیا کہ امریکہ، روس کے خلاف اپنے اقدامات سے انسانیت کو عالمی جنگ کی طرف دھکیل رہا ہے۔

ملائیشیا کے سابق وزیراعظم مہاتیر محمد نے کہا ہے کہ امریکہ دو دشمن بلاکوں کے وجود میں آنے میں مدد کرکے انسانیت کو عالمی جنگ کی طرف دھکیل رہا ہے۔

یہ بھی پڑھیں : یمن کی مسلح افواج کی جانب سے شہید کمانڈر کے ساتھ وفاداری مشقوں کا انعقاد

تاس خبر رساں ایجنسی کے مطابق 97 سالہ مہاتیر محمد نے چین کے اخبار ’’گلوبل ٹائمز‘‘ سے انٹرویو دیتے ہوئے کہا کہ امریکہ دوسرے ممالک کو روس کے خلاف کارروائی کرنے پر مجبور کرنے کی کوشش کرے گا اور روس کو ایسے دوست ممالک تلاش کرنا ہوں گے جو اس کی حمایت کریں۔

ملائیشیا کے سابق وزیراعظم کا کہنا تھا کہ مشرقی اور مغربی بلاکوں کے درمیان تصادم ہو گا اور یہ شدت اختیار کر کے عالمی جنگ میں بدل جائے گا۔

انہوں نے مزید کہا کہ مغرب کی طرف سے اکسایا گیا یوکرین کا تنازعہ پوری دنیا کو متاثر کر چکا ہے۔

مہاتیر محمد نے مزید کہا کہ پیچیدہ صورت حال کے باعث دنیا بھر میں بنیادی اشیا کی قیمتوں میں اضافہ ہوا ہے جس سے اناج کی حمل و نقل پر منفی اثرات مرتب ہو رہے ہیں۔

یہ بھی پڑھیں : فلسطینی مزاحمت کی طرف سے اٹھائے جانے والے ہر اقدام کی حمایت کریں گے، تحریک حزب اللہ

ملائیشیا کے سابق وزیراعظم نے نیٹو میں یوکرین کی رکنیت کے مسئلے پر بات کرتے ہوئے یوکرین کی نیٹو میں شمولیت کی دعوت کو اشتعال انگیز عمل قرار دیا۔

انہوں نے وضاحت کی کہ درحقیقت اگر یوکرین نیٹو میں شامل نہیں ہوتا ہے تو میں سمجھتا ہوں کہ روس کم خطرہ محسوس کرے گا اور کوئی تصادم نہیں ہوگا لیکن جیسے ہی یہ عمل شروع ہوگا، روس احتیاطی تدابیر کرے گا۔