جمہوریہ شام کی عرب لیگ میں رکنیت بحال

شیعیت نیوز: دمشق کے ساتھ دنیائے عرب کے اتحاد کی مناسبت سے منعقدہ اجلاس میں،آج عرب ممالک کے وزرائے خارجہ نے جمہوریہ شام کی عرب لیگ میں دوبارہ واپسی پر اتفاق کیا ہے۔

عکاظ کی رپورٹ کے مطابق عرب ممالک کے وزرائے خارجہ نے، آج قاہرہ میں عرب لیگ کی میزبانی میں ہونے والی ملاقات کے دوران، شام کی عرب لیگ میں 11 سال بعد مشروط واپسی پر اتفاق کیا ہے۔

اس فیصلے کے مطابق، جمہوریہ شام آج سے عرب لیگ کے اجلاسوں میں شرکت کرے گا۔

یہ بھی پڑھیں : ایرانی صدر سید ابراہیم رئیسی نے ایران ایکسپو 2023 کا افتتاح کیا

العربیہ کے خبر نگار کے مطابق، اس قرارداد کی تفصیل بعد میں جاری کی جائے گی، تاہم عرب لیگ کے اجلاسوں میں شامی رہنماؤں کی شرکت اتوار 7 مئی سے دوبارہ شروع ہو جائے گی۔

عراقی وزارت خارجہ کے ترجمان احمد الصحاف نے اعلان کیا ہے کہ عرب ممالک کے وزرائے خارجہ کے اجلاس میں شام کی عرب لیگ میں دوبارہ واپسی پر اتفاق کیا گیا ہے۔

انہوں نے مزید کہا کہ سیاسی گفتگووں اور عرب ارتقاء کی کوششوں کا عراق بانی تھا۔ عراق نے شام کو عرب لیگ میں واپس لانے کیلئے نمایاں کردار ادا کیا ہے۔

یہ بھی پڑھیں : شام کی واپسی کا فیصلہ کل کیا جائے گا، ترجمان جمال رشدی

عرب لیگ کے ترجمان نے جمہوریہ شام کی لیگ میں دوبارہ واپسی پر اتفاق کی تصدیق کرتے ہوئے کہا ہے کہ عرب ممالک کے وزرائے خارجہ نے شام کی عرب لیگ کی نشست پر واپسی کیلئے اتفاق کیا ہے۔

واضح رہے کہ گزشتہ روز عرب لیگ کے ترجمان جمال رشدی نے اعلان کیا تھا کہ عرب ممالک کے وزرائے خارجہ دمشق کی عرب لیگ میں رکنیت کی معطلی کو ختم کرنے کا فیصلہ کریں گے۔