یمن: برطانوی خفیہ ایجنسی کے جاسوسوں پر مقدمے کی کارروائی شروع
شیعیت نیوز: یمن کی ایک عدالت میں برطانوی جاسوسوں کے مقدمے کی سماعت کی۔ دوسری طرف جزیرہ سقطری میں صیہونی حکومت کی موجودگی کے خلاف الوزی شہر میں بڑی تعداد میں یمنی عوام نے مظاہرے کئے۔
فارس نیوز ایجنسی کی رپورٹ کے مطابق محمد مفلح کی بینچ نے برطانوی خفیہ ایجنسی کے جاسوسوں اور دوسرے افراد کی تخریبی کاروائیوں کے مقدمے کی سماعت کی۔
رپورٹ میں بتایا گیا ہے کہ برطانوی خفیہ ایجنسی نے ان افراد کو جاسوسی اور تخریبی کاروائیوں کے لئے پیشرفتہ سسٹمز سے مسلح کیا تاکہ وہ یمن میں جاسوسی اور تخریبی کاروائيوں کو انجام دے سکیں۔
یہ بھی پڑھیں : امریکہ اپنے دعوے کے برخلاف سعودی عرب کی حمایت سے دستبردار نہیں ہوگا، انصار اللہِ یمن
دوسری جانب جزیرہ سقطری میں متحدہ عرب امارات کی شکل میں اسرائیل کی موجودگی کے خلاف یمنی عوام نے مظاہرے کئے جس میں بڑی تعداد میں یمنی عوام نے شرکت کی۔
یمنی میڈیا کے مطابق جزیرہ سقطری میں صیہونی حکومت کی موجودگی کے خلاف الوزی شہر میں پیر کے روز بڑی تعداد میں یمنی عوام نے مظاہرے کئے۔ مظاہرین نے صیہونی حکومت کے ساتھ ہر طرح کے تعلقات کی مذمت کی۔
یمنی عوام نے قدس کی غاصب حکومت کے پرچم کو نذر آتش کرکے اپنے غم و غصے کا اظہار کیا اور مسئلہ فلسطین کو عالم اسلام کا اہم مسئلہ قرار دیا۔
اس سے پہلے ابین، عدن، لحج، ضالع اور حضرموت صوبوں میں بھی صیہونی حکومت کے ساتھ تعلقات کے قیام کے خلاف مظاہرے ہوچکے ہیں۔
واضح رہے کہ سعودی عرب، متحدہ عرب امارات اور چند دیگر ممالک مارچ دوہزار پندرہ سے یمن پرجارحانہ حملوں کے ساتھ ہی اس ملک کا بری بحری اور فضائی محاصرہ کئے ہوئے ہے اور اس جارحیت کے نتیجے میں اب تک سولہ ہزار سے زیادہ یمنی شہید اور دسیوں ہزار زخمی ہو چکے ہیں اور دسیوں ہزار زخمی اور لاکھوں بے گھر ہو چکے ہیں۔
سعودی عرب اپنے تمام تر وحشیانہ حملوں کے باوجود اپنا ایک بھی مقصد اب تک حاصل نہیں کر سکا ہے۔
