صوبہ الانبار میں حشد الشعبی کی بڑے پیمانے پر فوجی تعیناتی، اہم چیک پوسٹیں قائم

شیعیت نیوز : عراقی سکیورٹی ذرائع نے صوبہ الانبار کے مغربی علاقوں میں حشد الشعبی کی جانب سے بڑے پیمانے پر فوجی تعیناتی کی اطلاع دی ہے، جس کا مقصد دہشت گرد عناصر کی کسی بھی ممکنہ سرگرمی کا مؤثر اور بروقت مقابلہ کرنا ہے۔

عراقی ذرائع کے مطابق، حشد الشعبی کے دستے مغربی الانبار کے صحرائی علاقوں سے لے کر صوبہ صلاح الدین کے صحرائی علاقوں کی سمت تعینات کیے گئے ہیں۔ اس دوران صحرائی علاقوں کے داخلی راستوں اور الانبار کو صوبہ صلاح الدین سے ملانے والے مرکزی اور ذیلی راستوں پر مستقل اور متحرک چیک پوسٹیں قائم کی گئی ہیں۔

یہ بھی پڑھیں : بحرین میں امریکی اڈے پر ایرانی فوج کا خودکش ڈرونز سے حملہ، ‘آپریشن صاعقہ’ کا 29واں مرحلہ

ذرائع نے بتایا کہ حشد الشعبی کی جانب سے یہ اہم پیشگی کارروائی دہشت گرد گروہوں کے باقی ماندہ عناصر کی نقل و حرکت سے متعلق خفیہ اطلاعات موصول ہونے کے بعد شروع کی گئی ہے تاکہ دشمن کے کسی بھی ناپاک منصوبے کو ابتدا میں ہی کچلا جا سکے۔

سکیورٹی حکام کے مطابق، اس وسیع آپریشن کا بنیادی مقصد مغربی الانبار کے صحرائی علاقوں میں داعش کے بچے کھچے عناصر کی موجودگی کے باعث کسی بھی ممکنہ سکیورٹی کشیدگی کو جنم لینے سے سختی سے روکنا اور پورے علاقے میں امن و استحکام کو مکمل طور پر یقینی بنانا ہے۔