اردن میں امریکی فوجی اڈے پر ایرانی بیلسٹک میزائلوں کا براہِ راست اور تباہ کن حملہ

شیعیت نیوز : صہیونی میڈیا نے اپنی تازہ ترین رپورٹس میں اعتراف کیا ہے کہ اردن میں موجود امریکہ کے ایک اہم فوجی اڈے پر ایرانی میزائلوں کے براہِ راست لگنے کی مصدقہ اطلاعات موصول ہوئی ہیں۔ یہ فیصلہ کن جوابی کارروائی ایسے وقت میں سامنے آئی ہے جب ایران کی مسلح افواج نے حالیہ امریکی جارحیت کے جواب میں باقاعدہ انتقامی کارروائیوں کا آغاز کر دیا ہے۔

اردنی میڈیا نے بھی کچھ دیر قبل تصدیق کرتے ہوئے بتایا ہے کہ ملک کے مختلف علاقوں میں متعدد زوردار دھماکوں کی آوازیں سنائی دی ہیں۔ یہ دھماکے خطے میں بڑھتی ہوئی کشیدگی اور خطے میں موجود امریکی فوجی ٹھکانوں پر ہونے والے تابڑ توڑ ایرانی حملوں کا نتیجہ بتائے جا رہے ہیں۔

یہ بھی پڑھیں : امریکی جرائم پر پشیمانی تک سبق آموز کارروائیاں جاری رہیں گی، خاتم الانبیاء ہیڈکوارٹر

موصولہ اطلاعات کے مطابق، اردن میں واقع اہم ترین ‘موفق السلطی ایئربیس’ پر شدید اور تباہ کن حملہ کیا گیا ہے۔ اس غیر معمولی کارروائی میں وہاں موجود غاصب امریکی فوجیوں کی تنصیبات اور اہم ڈھانچوں کو براہِ راست بیلسٹک میزائلوں کا نشانہ بنایا گیا ہے، جس سے دشمن کو بھاری نقصان پہنچا ہے۔

ایرانی ذرائع کے مطابق، امریکہ نے آج ایک مرتبہ پھر اپنی بزدلانہ روش پر چلتے ہوئے ایران کے مختلف علاقوں پر مجرمانہ حملے کیے تھے۔ ان حملوں کے جواب میں ایرانی مسلح افواج نے ذرہ برابر تاخیر کیے بغیر فوری طور پر دشمن کے خلاف فیصلہ کن، کچلنے والی اور بھرپور جوابی کارروائیاں شروع کر دی ہیں جو دشمن کے لیے ایک ناقابلِ فراموش سبق ثابت ہوں گی۔