خلیج فارس میں 4 خلاف ورزی کرنے والے جہاز نشانے پر، سپاہ پاسداران

شیعیت نیوز : سپاہ پاسداران انقلاب اسلامی کی بحریہ نے اعلان کیا ہے کہ خلیج فارس کے شمالی وسطی حصے میں ایک جہاز سے دوسرے جہاز میں تیل منتقل کرنے والے 4 خلاف ورزی کرنے والے جہازوں کو بیک وقت نشانہ بنایا گیا ہے اور وہ جل رہے ہیں۔

یہ بھی پڑھیں : ایران جب تک چاہے گا آبنائے ہرمز پر کنٹرول برقرار رہے گا، جنرل مصطفیٰ ایزدی

بیان کے مطابق یہ جہاز پہلے بھی غیر قانونی راستہ عبور کر چکے تھے۔ جارح امریکی فوج کے دھوکے میں آ کر غیر قانونی راستے اختیار کرنے والی جہاز راں کمپنیوں کو پیشگی انتباہ کے بعد سپاہ پاسداران کی بحریہ نے ان جہازوں کا تعاقب کیا اور انہیں تیل کی منتقلی کے دوران نشانہ بنایا۔

بیان میں مزید کہا گیا کہ گزشتہ رات آبنائے ہرمز کے مغرب میں خلاف ورزی کرنے والے 3 دیگر جہاز بارودی سرنگوں سے ٹکرا گئے، جنہیں نقصان پہنچا، ان میں آگ لگ گئی اور وہ رک گئے۔ بحریہ نے کہا کہ متکبر امریکی حکومت کی جانب سے جہازوں کو بارودی سرنگوں والے غیر قانونی راستے سے گزرنے پر اکسانے کے باعث سمندری حادثات روز بروز بڑھ رہے ہیں۔

سپاہ پاسداران کی بحریہ نے ایرانی عوام کی استقامت کو سراہتے ہوئے کہا کہ یہی استقامت ملک کی مسلح افواج کی طاقت کا سرچشمہ ہے اور اس نے ایران کے دشمنوں کو ذلت اور مایوسی سے دوچار کیا ہے، اور اسی وسیع عوامی حمایت کے ساتھ بحری افواج آبنائے ہرمز کا انتظام و کنٹرول جاری رکھے ہوئے ہیں۔ بیان میں جارح امریکی فوج کو سنجیدہ انتباہ دیا گیا کہ تصادم کا یہ دائرہ جاری رہا تو یہ خطے میں اس کے جارح اڈوں تک پھیل جائے گا۔