استکباری و صیہونی سازشوں کا منہ توڑ جواب دیا جائے، آیت اللہ العظمیٰ نوری ہمدانی

شیعیت نیوز : مرجع تشیع آیت اللہ العظمیٰ نوری ہمدانی نے ایران کی قومی سلامتی کی اعلیٰ کونسل کے نئے سیکریٹری سردار سرلشکر ڈاکٹر محسن رضائی کو عہدہ سنبھالنے پر مبارکباد پیش کرتے ہوئے عالمی استکبار، امریکہ اور غاصب صیہونیوں کی سازشوں کے خلاف بھرپور استقامت اور جارحیت کا فیصلہ کن جواب دینے کی ضرورت پر زور دیا ہے۔ اپنے پیغام میں انہوں نے کہا کہ آج اسلام، انقلاب اور محورِ مقاومت کے دشمنوں نے اسلامی جمہوریہ ایران کے خلاف اپنے مذموم عزائم کو تقویت دیتے ہوئے اپنی تمام تر توانائیاں میدان میں جھونک دی ہیں۔

یہ بھی پڑھیں : امام جمعہ بغداد آیت اللہ سید یاسین موسوی کا استکباری قوتوں کے خلاف سخت انتباہ، محور مقاومت کی بھرپور حمایت

مورخہ 22 اگست 2026 (31 مرداد 1405) کو جاری کیے گئے اپنے تہنیتی پیغام میں آیت اللہ نوری ہمدانی نے واضح کیا کہ ان حساس حالات میں سردار محسن رضائی کا شاندار عسکری اور دفاعی تجربہ استکباری قوتوں اور تکفیری دشمنوں کے ناپاک ارادوں کو ناکام بنانے میں انتہائی مؤثر ثابت ہوگا۔ انہوں نے مزید تاکید کی کہ موجودہ صورتحال میں رہبر معظم انقلاب اسلامی کی ہدایات پر مکمل عمل پیرا ہونا، ہر قسم کی امریکی و اسرائیلی جارحیت کا قاطعانہ جواب دینا اور داخلی سطح پر وحدت و قومی یکجہتی کو برقرار رکھنا وقت کی اہم ترین ضرورت ہے۔