ایران کو پڑوسی ممالک سے نئے سکیورٹی انتظامات کے پیغامات موصول، قالیباف کا اہم بیان
WebDesk
22 اگست, 2026 16:51
قالیباف
شیعیت نیوز : ایرانی پارلیمنٹ کے اسپیکر محمد باقر قالیباف نے کہا ہے کہ ایران کو پڑوسی ممالک کی جانب سے خطے میں نئے سکیورٹی انتظامات اور اقتصادی تعاون کے حوالے سے متعدد پیغامات موصول ہوئے ہیں۔ انہوں نے کہا کہ دہشتگرد امریکی حکومت نے دھونس اور دباؤ کی پالیسی اختیار کرتے ہوئے اسرائیل کے مفادات کو ترجیح دی اور اس عمل کے ذریعے اپنے اتحادیوں کی سلامتی کو بھی خطرے میں ڈال دیا ہے۔
یہ بھی پڑھیں: انصاراللہ خودمختار قوت ہے، نیویارک ٹائمز کا اعتراف
قالیباف نے کہا کہ خطے کے ممالک کے تجربات نے انہیں اس حقیقت کا ادراک کرایا ہے کہ سلامتی کے لیے ایک مختلف طریقہ کار کی ضرورت ہے۔ انہوں نے خطے میں ایک مقامی اور آزاد نظام کے قیام کی ضرورت پر زور دیتے ہوئے کہا کہ ایسا نظام خطے میں حقیقی امن اور سلامتی کے قیام کی بنیاد فراہم کرسکتا ہے۔ قالیباف کا یہ بیان دہشتگرد امریکی صدر ڈونلڈ ٹرمپ کی ان دھمکیوں کے ردعمل میں سامنے آیا ہے جن میں ایران کے ساتھ اقتصادی اور تجارتی تعلقات برقرار رکھنے والے ممالک کو نشانہ بنایا گیا ہے۔
