کربلا عقلانیت، حماسہ اور عطوفت کا مرکب ہے، حجت الاسلام سید حسین مومنی

شیعیت نیوز : حجت الاسلام والمسلمین سید حسین مومنی نے حرم مطہر حضرت معصومہ سلام اللہ علیہا میں منعقدہ مجلس عزا میں رہبر شہید (رہ) کے اس فرمان کا حوالہ دیتے ہوئے کہا کہ "کربلا عقلانیت، حماسہ اور عطوفت کا مرکب ہے”۔

انہوں نے کہا کہ یہ تینوں عناصر کربلا کو آج بھی زندہ رکھے ہوئے ہیں۔ کربلا میں جو کچھ ہوا وہ عزت اور حماسہ کی بنیاد پر تھا۔ حضرت زینب سلام اللہ علیہا نے ابن زیاد کی مجلس میں فرمایا: "میں نے خوبصورتی کے سوا کچھ نہیں دیکھا”، یہ اسی عزت و وقار کی علامت ہے جو اہل بیتؑ نے مصائب کی انتہا پر دکھائی۔

یہ بھی پڑھیں : فنِ خطابت اور منبر کی احیاء ضروری ہے، آیت اللہ علم الہدیٰ

خطیب نے حضرت زینبؑ کے میدان قتل گاہ میں داخل ہونے، کوفہ اور شام کے خطبات کا ذکر کیا اور کہا کہ امام سجاد علیہ السلام کے خطبے نے کوفیوں کو رلا دیا، مگر ان کی خاموشی نے انہیں قتل حسینؑ میں شریک جرم بنا دیا۔

انہوں نے زور دیا کہ آج فلسطین اور لبنان کے مظلوم بچوں کی مصیبتیں بھی اسی تاریخی عطوفت کو زندہ کر رہی ہیں۔ ہمیں عقلانیت، حماسہ اور عطوفت کے ان تینوں ہتھیاروں کو معاشرے کی ہدایت اور بیداری کے لیے استعمال کرنا چاہیے۔