ہرمز میں 2 سپر ٹینکر بارودی سرنگوں سے ٹکرا کر ناکارہ ہوا، سپاہ پاسداران

شیعیت نیوز : سپاہ پاسداران انقلاب اسلامی کی بحریہ نے اعلان کیا ہے کہ آبنائے ہرمز کے جنوبی ساحل کے قریب دو خلاف ورزی کرنے والے سپر ٹینکر بحری بارودی سرنگوں سے ٹکرا کر ناکارہ ہو گئے، جس کے بعد ان کا عملہ جہاز چھوڑ کر چلا گیا۔

سپاہ پاسداران کی بحریہ کے شعبہ تعلقات عامہ کے مطابق جمعہ کی صبح یہ دونوں ٹینکر آبنائے ہرمز سے ایک غیر مجاز جنوبی راستے کے ذریعے گزرنے کی کوشش کر رہے تھے کہ بارودی سرنگوں سے ٹکرا گئے۔ دھماکوں اور شدید آگ کے نتیجے میں ان کے انجن روم ناکارہ ہو گئے اور جہاز مکمل طور پر رک گئے۔

یہ بھی پڑھیں : خلیج فارس میں 4 خلاف ورزی کرنے والے جہاز نشانے پر، سپاہ پاسداران

بیان کے مطابق دونوں ٹینکروں پر مجموعی طور پر 45 لاکھ بیرل سے زائد خام تیل لدا ہوا تھا۔ یہ واقعہ ایسے وقت میں پیش آیا ہے جب ایران آبنائے ہرمز اور خلیج فارس میں اپنے ضوابط کی خلاف ورزی کرنے والے جہازوں کے خلاف مسلسل کارروائی کر رہا ہے۔

دوسری جانب سپاہ پاسداران کے ترجمان جنرل حسین محبی نے ایک طنزیہ پوسٹ میں جلتے ٹینکر کے ساتھ برینٹ خام تیل کی قیمت 116 ڈالر سے اوپر جانے کا گراف شائع کیا۔ عالمی منڈی میں جمعہ کے روز برینٹ کی قیمت تقریباً چار فیصد اضافے کے ساتھ 117.30 ڈالر فی بیرل اور امریکی خام تیل کی قیمت 103.57 ڈالر فی بیرل تک پہنچ گئی، جبکہ یہ اضافہ ٹرمپ کی دھمکیوں کے بعد دیکھنے میں آیا۔