رہبر شہید (رہ) کی تشییع جنازہ کے لیے جامع انتظامات مکمل، گورنر قم

شیعیت نیوز : قم کے گورنر اکبر بہنام جو نے صوبائی ذمہ داران کی موجودگی میں صحافیوں سے گفتگو کرتے ہوئے رہبر شہید (رہ) کی تشییع جنازہ اور نماز جنازہ کے لیے صوبائی حکومت کے تفصیلی انتظامات بیان کیے۔

یہ بھی پڑھیں : علامہ سید جواد نقوی کا مولانا سید سلمان حسینی ندویؒ کی رحلت پر اظہارِ تعزیت

انہوں نے کہا کہ تقریباً دو ماہ قبل قم میں رہبر شہید (رہ) کی تشییع اور نماز جنازہ کی ادائیگی کے لیے ایک خصوصی کمیٹی تشکیل دی گئی تھی جس نے اپنی سرگرمیاں شروع کر دی ہیں۔

گورنر قم نے بتایا کہ ان مراسم کو بہتر طریقے سے منعقد کرنے کے لیے 6 ورکنگ گروپس اور 27 اسپیشل کمیٹیاں تشکیل دی گئی ہیں۔

انہوں نے کہا کہ رہبر شہید (رہ) کی تشییع ایک مکمل طور پر عوامی تحریک ہے اور سرکاری اداروں کی ذمہ داری ہے کہ وہ ضروری بنیادی ڈھانچہ فراہم کریں۔ اسی لیے سیکیورٹی، صحت کی خدمات، موکبوں کی پشت پناہی، ضروری اشیاء کی فراہمی اور مختلف اداروں کے درمیان ہم آہنگی کو تمام امور میں شامل کیا گیا ہے۔

گورنر نے مزید بتایا کہ نماز جنازہ بلوار پیامبر اعظم (ص) سے مسجد مقدس جمکران تک ادا کرنے کا منصوبہ ہے (حتمی تفصیلات حتمی منظوری کے بعد جاری کی جائیں گی)۔ مراسم صبح ۵ بجے سے شروع ہوں گے تاکہ گرمی بڑھنے سے پہلے مکمل ہو جائیں۔

شہر بھر میں تقریباً 1700 موکب خدمات فراہم کریں گے۔ غیر ملکی مہمانوں، خاص طور پر جامعۃ المصطفی کے طلباء و طالبات کی میزبانی کے لیے بھی خصوصی انتظامات کیے گئے ہیں۔