سوشل میڈیا پیغام رسانی کا طاقتور ذریعہ ہے، اسے مثبت انداز میں استعمال کریں، شیخ ابراہیم زکزاکی

شیعیت نیوز : شیخ ابراہیم زکزاکی نے ابوجا میں اپنے گھر پر منعقدہ "ٹک ٹاک کارکنوں کی انجمن کانفرنس” کے اختتامی خطاب میں سوشل میڈیا کو موجودہ دور میں پیغام کی منتقلی کے اہم ترین ذرائع میں شمار کیا۔

انہوں نے تاریخ میں پیغام رسانی کی اہمیت کی طرف اشارہ کرتے ہوئے پیغمبر اکرم ﷺ، شیخ عثمان دان فودیو اور امام خمینی رح کے دور کی مثالیں پیش کیں۔ انہوں نے کہا کہ ہر دور میں مواصلاتی ذرائع نے پیغام کی ترویج میں کلیدی کردار ادا کیا ہے۔

شیخ زکزاکی نے زور دیا کہ سوشل میڈیا مثبت اور منفی دونوں کاموں کے لیے استعمال ہو سکتا ہے، اور یہ بات صارفین کے استعمال کے طریقے پر منحصر ہے۔

یہ بھی پڑھیں : شہید امت کانفرنس مینارِ پاکستان میں عوام کی بڑی تعداد میں شرکت کا عزم، وحدت امت کا تاریخی مظاہرہ

انہوں نے خبردار کیا کہ کسی بات کا نامکمل حوالہ دینا یا اسے اصل سیاق و سباق سے الگ کر کے پیش کرنا غلط ہے۔ ہر بات کو اس کے اصل سیاق میں ہی نقل کیا جانا چاہیے، ورنہ اس کا حقیقی مفہوم کھو جاتا ہے۔

نائیجیریا کی اسلامی تحریک کے رہبر نے سوشل میڈیا پر توہین، گالی گلوچ اور حاشیاتی موضوعات سے گریز کی تلقین کی۔ انہوں نے کہا کہ مصنوعی تنازعات اور نامناسب ٹرینڈز کا تعاقب نہ کیا جائے جو معاشرے کو حقیقی مسائل سے دور کر دیتے ہیں۔