شیخ اکرم الکعبی کا غدار عرب حکمرانوں کو سخت الٹی میٹم: امریکی بوٹوں کے پیچھے بھاگنے والو، تمہارا انجام منتظر ہے

شیعیت نیوز : عراقی مقاومت تحریک النجباء کے سیکریٹری جنرل شیخ اکرم الکعبی نے غدار عرب حکمرانوں کو سخت الٹی میٹم دیتے ہوئے کہا ہے کہ امریکی بوٹوں کے پیچھے بھاگنے والوں کا انجام ان کا منتظر ہے۔

انہوں نے اپنے بیان میں کہا:

"جو کوئی یہ سمجھتا ہے کہ غدار امریکا اس کا محافظ ہے اور وہ اس کے سامنے سرنگوں ہو کر اپنے بھائیوں اور ہم وطنوں کو چھوڑ دیتا ہے، ہم اسے خبردار کرتے ہیں: اس دن کا انتظار کرو جب وہ (امریکی) بھاگ کھڑے ہوں گے اور تمہیں اپنے شکست خوردہ طیاروں کے پیچھے ہوائی اڈوں کی پٹریوں پر بھاگتا چھوڑ جائیں گے۔

تمہارا کوئی نہیں سوائے تمہاری اپنی قوم اور تمہارے اپنے ہم وطنوں کے۔ لہٰذا غیر ملکی کے سامنے سرنگوں نہ ہو، اپنے نسب اور آباؤاجداد سے شرم کرو، اور اپنی ہی قوم کے خلاف صیہونی اور امریکی کے ہاتھوں میں دکھی آلہ کار نہ بنو۔

یہ بھی پڑھیں : امریکہ اور اسرائیل جنگ بندی کا مطالبہ کر رہے ہیں، ایران کا انکار

تم ہمیں روکنے کی طاقت نہیں رکھتے، جاؤ اور اپنی خودمختاری واپس لو جو قابض نے چرائی ہے اگر تم میں دم ہے۔ ہمیں سر درد نہ دو، اور ہماری مقدس تحریک کو ہاتھ نہ لگاؤ کیونکہ یہ سمجھوتے کے قابل نہیں۔

ہم تمہیں دوبارہ نصیحت کرتے ہیں کہ زخمی شیر کو نہ چھیڑو، ورنہ پچھتاؤ گے۔”

شیخ اکرم الکعبی کا یہ سخت بیان اس وقت سامنے آیا ہے جب خطے میں امریکی اور صہیونی دباؤ اور عرب حکمرانوں کی جانب سے ایران اور محور مقاومت کے خلاف موقف پر تنقید عروج پر ہے۔