ایران کا بڑھتا ہوا دفاعی تعاون خطے میں طاقت کے نئے توازن کی علامت ہے، ایرانی اسپیکر قالیباف
02 دسمبر, 2025 12:47
شیعیت نیوز: ایرانی پارلیمنٹ کے اسپیکر ڈاکٹر محمد باقر قالیباف نے شجاعانہ مجاہد میرزا کوچک خان جنگلی اور تحریکِ جنگل کے تمام استعمار مخالف مجاہدین کو زبردست خراجِ عقیدت پیش کرتے ہوئے کہا کہ رہبر معظم انقلاب کے بقول، میرزا کوچک خان کی تحریک سو فیصد اسلامی اور ایرانی تھی۔
انہوں نے کہا کہ میرزا نے ایران کے مفادات کو ہر بیرونی ملک پر ترجیح دی، نہ سوویت یونین کی پالیسیوں کے ساتھ چلے اور نہ برطانیہ کے، بلکہ اپنی آزادی کو مکمل طور پر محفوظ رکھا اور اپنی پوری عمر استعماری طاقتوں کے خلاف جدوجہد کے لیے وقف کر دی۔
یہ بھی پڑھیں: ٹی ٹی پی نے ملا ہبۃ اللہ کے ہاتھ پر بیعت کی ہوئی ہے، پروفیسر ابراہیم کا انکشاف
قالیباف نے مزید کہا کہ سپاہ پاسداران انقلاب اسلامی کی زمینی فورس کی میزبانی میں اور شنگھائی تعاون تنظیم (SCO) کے رکن ممالک کی شرکت سے منعقد ہونے والی بڑی انسدادِ دہشت گردی فوجی مشقیں "سہند 2025” اس بات کی واضح نشاندہی کرتی ہیں کہ ایران کے دفاعی تعاون اور مشترکہ انسدادِ دہشت گردی اقدامات دیگر ممالک کے ساتھ مسلسل ترقی پذیر ہیں۔
انہوں نے زور دیا کہ ان مشقوں کے عملی نتائج ایران کے دشمنوں کے شر کو ختم کرنے اور دہشت گرد گروہوں کو نیست و نابود کرنے میں ضرور ظاہر ہوں گے۔
انہوں نے آخر میں کہا کہ ان مشقوں کا انعقاد عالمی سامراجی اور غاصب طاقتوں کے لیے ایک کھلا اور سخت پیغام ہے کہ آزاد ممالک عالمی ظالمانہ رویوں کے مقابلے میں اپنے دفاع اور سیکیورٹی کے لیے پُرعزم اور سنجیدہ ارادہ رکھتے ہیں۔
