ابوعبیدہ کی شہادت کے حوالے سے حماس کا واضح مؤقف سامنے آ گیا
حماس نے اعلان کیا ہے کہ القسام بریگیڈ کے ترجمان ابوعبیدہ زندہ اور محفوظ ہیں۔
شیعیت نیوز : فلسطینی مزاحمتی تحریک حماس نے اسرائیلی ذرائع کی جانب سے پھیلائی جانے والی افواہوں کو مسترد کرتے ہوئے اعلان کیا ہے کہ القسام بریگیڈ کے ترجمان ابوعبیدہ محفوظ اور زندہ ہیں اور ان کی شہادت کی خبریں جھوٹی ہیں۔
حماس کے جاری کردہ بیان میں کہا گیا ہے کہ ابوعبیدہ کی شہادت کے بارے میں پھیلائی جانے والی افواہیں اسرائیلی سازشوں کا حصہ ہیں۔ اسرائیلی میڈیا مکمل طور پر فوج اور انٹیلی جنس کے کنٹرول میں ہے اور کوئی خبر فوج کی ہدایت کے بغیر شائع نہیں کی جاتی۔
یہ بھی پڑھیں : ایم ڈبلیو ایم کی مرکزی کابینہ کا سیلاب متاثرین کے لیے ہنگامی اجلاس
بیان میں مزید کہا گیا کہ اسرائیلی افواج اور انٹیلی جنس ادارے اکثر اس طرح کی افواہیں پھیلاتے ہیں تاکہ معاشرے میں افراتفری پیدا کریں اور معلومات جمع کرکے مستقبل میں مقاومتی رہنماؤں کو نشانہ بنائیں۔
حماس نے فلسطینی عوام سے اپیل کی ہے کہ وہ اسرائیلی افواہوں پر یقین نہ کریں کیونکہ یہ جنگی نفسیاتی حربے کا حصہ اور داخلی محاذ کو غیر مستحکم کرنے کی کوشش ہیں۔
