مہدی المشاط نے یمن کے عبوری وزیراعظم کے طور پر محمد مفتاح کو مقرر کر دیا

شیعیت نیوز : یمن کے وزیراعظم احمد غالب رہوی کی اسرائیلی حملے میں شہادت کے بعد سپریم پولیٹیکل کونسل کے سربراہ مہدی المشاط نے محمد مفتاح کو عبوری وزیراعظم مقرر کرنے کا حکم نامہ جاری کر دیا۔

یمنی نشریاتی ادارے المسیرہ کے مطابق سپریم پولیٹیکل کونسل نے جمعرات کو صنعاء پر اسرائیلی جارحیت کے نتیجے میں وزیراعظم احمد غالب رہوی اور ان کے ہمراہ کئی وزرا کی شہادت کے بعد یہ فیصلہ کیا۔

یہ بھی پڑھیں : اسرائیل اور غاصب طاقتوں کے لیے سیاہ دن آنے والے ہیں، انصار اللہ یمن

محمد مفتاح اس سے قبل یمن کے نائب وزیراعظم کی حیثیت سے خدمات انجام دے رہے تھے اور اب نئے عبوری وزیراعظم کے طور پر ذمہ داریاں سنبھالیں گے۔