اسرائیلی جارحیت جاری، 24 گھنٹوں میں 113 فلسطینی شہید
29 جولائی, 2025 23:20
شیعیت نیوز : غزہ کی پٹی میں فلسطینی وزارت صحت نے منگل کے روز اعلان کیا ہے کہ گزشتہ 24 گھنٹوں میں اسرائیلی قابض افواج نے 113 فلسطینیوں کو شہید کیا ہے۔
ترکی کی اناطولیہ ایجنسی کے مطابق، اکتوبر 2023 سے جاری اسرائیلی نسل کش جنگ میں اب تک کم از کم 60,034 فلسطینی شہید اور 145,870 زخمی ہو چکے ہیں۔
یہ بھی پڑھیں : شہید دیدار جلبانی کی برسی پر مجلس ترحیم، رہنماؤں کا شہداء کے راستے پر چلنے کا عزم
وزارت صحت کے بیان میں کہا گیا ہے کہ گزشتہ 24 گھنٹوں کے دوران 113 شہداء کی لاشیں اسپتالوں میں لائی گئیں، جبکہ 637 افراد زخمی ہوئے۔
بیان میں مزید کہا گیا کہ متعدد شہداء اب بھی ملبے کے نیچے اور سڑکوں پر پھنسے ہوئے ہیں، جن تک امدادی کارکنوں کی رسائی ممکن نہیں ہو رہی۔
