سنجار عراقی فوج کے تحت، حشد الشعبی معاون فورس کا مؤثر کردار: فالح الفیاض

شیعیت نیوز : عراق کی حشد الشعبی کے سربراہ فالح الفیاض نے واضح کیا کہ صوبہ نینوا کا علاقہ سنجار عراقی فوج کے کنٹرول میں ہے اور وہاں حشد الشعبی معاون فورس کا کردار ادا کر رہی ہے۔

انہوں نے مزید کہا کہ حشد الشعبی فورسز کو نینوا میں تعمیراتی کاموں سے روکنے کی خبریں جھوٹی ہیں۔

یہ بھی پڑھیں : نیتن یاہو نے شام میں خفیہ آپریشن کی تصدیق کر دی

الفیاض نے کہا کہ حشد الشعبی ایک قانونی تنظیم ہے جو حکومت کے فریم ورک کے اندر کام کرتی ہے۔

انہوں نے مزید کہا کہ اس تنظیم کے قانون میں ترمیم کے لیے مسلسل کوششیں جاری ہیں، اور اندازہ ہے کہ اس عمل کو اگلے مہینے حتمی شکل دی جائے گی۔

حشد الشعبی کے سربراہ نے کہا کہ مستقبل قریب میں مجوزہ اصلاحات کی منظوری کے لیے ایک جامع سیاسی معاہدے کی ضرورت ہے اور یہ قدم تنظیم کی کارکردگی کو بڑھانے اور اس کے ادارہ جاتی ڈھانچے کو بہتر بنانے کی کوششوں کا حصہ ہے۔