پاک بھارت کشیدگی، بھارتی جنگی طیارے دم دبا کر بھاگ گئے

شیعیت نیوز : کشمیر میں کنٹرول لائن کے قریب پرواز کرنے والے بھارتی طیارے پاکستانی جیٹ طیاروں کو دیکھتے ہی بھاگ کھڑے ہوئے۔

دونوں ملکوں کے درمیان گزشتہ چند دنوں میں کشیدگی میں اضافہ ہوا ہے، وزیر دفاع خواجہ آصف نے اعلان کیا ہے کہ پاکستان نے اپنی افواج کو ہائی الرٹ کر دیا ہے اور وہ بھارت کے کسی بھی حملے کے لیے تیار ہے۔

دوسری جانب بھارتی وزیراعظم نریندر مودی نے ملکی فوج کو آپریشنل آزادی دے دی ہے۔

پی ٹی وی اور ریڈیو پاکستان نے سکیورٹی ذرائع کا حوالہ دیتے ہوئے بتایا کہ بھارتی فضائیہ کے چار رافیل لڑاکا طیارے لائن آف کنٹرول کو عبور کیے بغیر رات کے وقت کشمیر میں گشت کرتے ہوئے دیکھے گئے۔

یہ بھی پڑھیں : حضرت معصومہ قم کی شفاعت سے تمام شیعیان علی بہشت میں داخل ہونگے، معصومہ نقوی

ریڈیو پاکستان نے مزید بتایا: "پاکستانی فضائیہ کے جیٹ طیاروں نے فوری طور پر ان بھارتی جنگی طیاروں کی موجودگی کا پتہ لگا لیا۔

وزیر اطلاعات عطاء اللہ تارڑ نے آج صبح کہا: اسلام آباد کے پاس قابل اعتماد معلومات ہیں کہ ہندوستان اگلے 24 سے 36 گھنٹوں کے اندر پاکستان کے خلاف فوجی حملہ کرنے کا ارادہ رکھتا ہے

انہوں نے ایکس پر ایک پیغام میں لکھا: "کسی بھی جارحانہ اقدام کا فیصلہ کن جواب دیا جائے گا اور اس مہم جوئی کے نتائج کی پوری ذمہ داری بھارت پر عائد ہوگی”۔