ٹرمپ کی پالیسیوں کے خلاف امریکہ سمیت دنیا بھر میں 1200 مظاہرے

شیعیت نیوز : امریکی حکومت کی نئی پالیسیوں نے اندرون ملک اور بین الاقوامی سطح پر شدید ردعمل کو جنم دیا ہے۔ ڈونلڈ ٹرمپ نے صدارت سنبھالنے کے بعد جارحانہ پالیسیاں اپنائیں، جن میں فلسطینیوں کی نسل کشی میں اسرائیل کی حمایت اور دیگر ممالک پر بھاری تجارتی محصولات عائد کرنا شامل ہے۔ ان اقدامات کے نتیجے میں امریکہ اور دیگر ممالک میں احتجاج کی لہر دوڑ گئی۔

صدر ٹرمپ کی پالیسیوں کے بعد واشنگٹن سمیت امریکہ بھر میں ہزاروں افراد نے سڑکوں پر نکل کر ٹرمپ اور ان کے ارب پتی اتحادی ایلن مسک کے خلاف مظاہرے کیے۔

یہ بھی پڑھیں : ایران کی امریکی B-2 طیارے پر کڑی نظر، فضائیہ نے ویڈیو جاری کر دی

یہ احتجاجی مظاہرے نہ صرف امریکہ کی تمام 50 ریاستوں میں منظم طور پر کیے گئے، بلکہ کینیڈا اور میکسیکو جیسے دیگر ممالک میں بھی مظاہرے ہوئے۔

واشنگٹن میں نیشنل مال کے اطراف میں بارش کے باوجود بڑی تعداد میں مظاہرین جمع ہوئے۔ منتظمین کے مطابق صرف واشنگٹن میں 20 ہزار سے زائد افراد نے شرکت کی، جب کہ مجموعی طور پر 150 سے زائد تنظیمیں اس مظاہرے میں شامل ہوئیں۔

مظاہرین میں سے بعض کے ہاتھوں میں "فلسطین کو آزاد کرو” کے پلے کارڈز اور فلسطینی شالیں تھیں، جب کہ بعض نے یوکرین کے جھنڈے اٹھا رکھے تھے۔

احتجاج میں شریک افراد ٹرمپ کی پالیسیوں، غزہ کے خلاف صہیونی حکومت کی حمایت، وفاقی بجٹ میں کٹوتی اور عالمی تجارتی محاذ آرائی پر شدید تنقید کر رہے تھے۔

امریکہ اور دنیا بھر میں ٹرمپ مخالف 1200 احتجاجی مظاہرے + تصاویر

ریاست نیویارک میں بھی احتجاجی مظاہرین نے حکومت مخالف نعرے لگائے اور صدر ٹرمپ کی پالیسیوں کو ملک کی بنیادی ساخت کے لیے خطرہ قرار دیا۔ مظاہرین نے کہا کہ ٹرمپ کے اقدامات امریکی ریاستی اداروں کو کمزور کرنے اور ایک طاقتور صدارتی نظام مسلط کرنے کی کوششوں کا حصہ ہیں۔

امریکہ اور دنیا بھر میں ٹرمپ مخالف 1200 احتجاجی مظاہرے + تصاویر

امریکی کانگریس کے ڈیموکریٹک اراکین نے بھی ٹرمپ کی پالیسیوں پر سخت تنقید کرتے ہوئے انہیں جمہوریت کے لیے خطرہ قرار دیا ہے۔