فلسطینی دستاویزی فلم آسکر ایوارڈ جیت گئی، صیہونی وزیر برہم

شیعیت نیوز : صیہونی حکومت کے نام نہاد وزیر ثقافت میکی زوھار نے دعویٰ کیا کہ آسکر ایوارڈ یافتہ فلم ” No Other Land” میں اسرائیل کی مسخ شدہ داستان پیش کی گئی ہے۔

صیہونی وزیر کا کہنا تھا کہ  No Other Land کو آسکر ایوارڈ ملنا سینما کی تاریخ کا ایک افسوسناک واقعہ ہے۔

صہیونی وزیر نے دعویٰ کیا کہ حقیقت کی پیچیدگیوں کو پیش کرنے کے بجائے، اس فلم کے تخلیق کاروں نے ایسی داستانیں پیش کی ہیں جو اسرائیل کے چہرے کو مسخ کر رہی ہیں۔

یہ بھی پڑھیں : تکفیری دہشتگردی کے پس پردہ کردار تحریک طالبان کے سابق کمانڈر نکلے

فلسطینی اداکار بازل آدرا کی اداکاری کے ساتھ بننے والی دستاویزی فلم  No Other Land میں صیہونی حکومت کے جرائم کی ایک جھلک دکھائی گئی ہے۔

جس میں مغربی کنارے سے فلسطینیوں کی جبری نقل مکانی، فلسطینیوں کے گھروں کی تباہی اور ان کی جگہ پر صیہونی حکومت کے فوجی اڈے قائم کرنے کو بیان کیا گیا ہے۔