پارہ چنار میں جب تک امن قائم نہیں ہوگا دھرنے ہوں گے پورا ملک بھر بند کرسکے ہیں،علامہ شہنشاہ نقوی کا لاہور دھرنے سے خطاب
ابھی تو کچھ شہروں میں دھرنا ہے، اپنے حقوق کی بحالی کیلئے پورے ملک میں نکلیں گے پورا پاکستان تیار رہے۔
شیعیت نیوز:لاہور میں پارہ چنار کے مظلومین کی حمایت میں چھٹے روز بھی احتجاجی دھرنا جاری رہا۔
علامہ شہنشاہ حسین نقوی نے دھرنے سے خطاب کرتے ہوئے کہا کہ جب تک پارہ چنار میں دھرنا جاری ہے ملک بھر میں دھرنے ہوں گے۔
ابھی تو کچھ شہروں میں دھرنا ہے، اپنے حقوق کی بحالی کیلئے پورے ملک میں نکلیں گے پورا پاکستان تیار رہے۔
پارہ چنار میں فرقہ واریت کا مسئلہ نہیں، عقل سے عاری کچھ لوگوں کو قابو میں لانے کا مسئلہ ہے۔
اہلسنت تو ہمارے دست و بازو ہیں۔ امن معاہدے پر بلاتاخیر دستخط ہونے چاہیں۔
یہ بھی پڑھیں: کراچی میں تکفیریوں کا نیا فتنہ، دھرنے میں بیٹھے لوگوں سے لوٹ مار کرنے لگے
انہوں نے مزید کہا کہ لاہور میں میرے تصور سے زیادہ افراد دھرنے میں شریک ہیں۔
جھنگ ،ملتان اور کراچی کے عوام قابل تحسین ہیں۔
قیادت اور شخصیات کی حکمت عملی کے پیش نظر دھرنوں میں شریک رہیں اور انکی ہدایات پر من و عن عمل کریں۔
جب تک پارہ چنار میں امن قائم نہیں ہوتا دھرنے جاری رہیں گے۔
