شام میں پہلی بار صیہونی ہیلی کاپٹر کی لینڈنگ، داعش کے خطرناک دہشتگرد رہا

شیعیت  نیوز : غاصب صیہونی حکومت کے جنگی طیاروں نے دمشق کے سیدہ زینب علاقے میں متعدد مقامات پر بمباری کی۔

دمشق کے اس علاقے پر شام میں شروع ہونے والی صیہونی جارحیت کے بعد یہ پہلا حملہ تھا۔

اس کے علاوہ شام کا حمص شہر بھی ایک بار پھر صیہونی بمباری کا نشانہ بنا۔

دمشق کے قریب ایک فوجی اڈے پر صیہونی فوجیوں کا ایک ہیلی کاپٹر زمین پر اترا جو وہاں بیس منٹ تک رہا۔

اسد دور حکومت کے آغاز سے اب تک کے دوران یہ اپنی نوعیت کا پہلا واقعہ ہے کہ ایک صیہونی طیارہ شام کے دارالحکومت دمشق کے مضافات میں زمین پر اترا ہے۔

 الجولانی نے اپنے ایک انٹرویو میں کہا کہ وہ شام کو اسرائیل کے خلاف حملوں کا مرکز نہیں بننے دے گا۔

یہ بھی پڑھیں : مغرب انسان دوستی کے لبادے میں اپنا تسلط بڑھاتا ہے، رہبر معظم سید علی خامنہ ای

اس سے قبل بھی جولانی بارہا یہ واضح کر چکا ہے کہ انہیں اسرائیل کے ساتھ کوئی اختلاف نہیں۔

جبکہ شام کی عبوری حکومت کے وزیر اعظم بھی کھل کر یہ بات کہہ چکے ہیں کہ اسرائیل کے حملوں سے مقابلہ ان کی ترجیحات میں شامل نہیں ہے۔

دہشتگرد تکفیری ٹولے داعش کے کئی سرغنوں کو جیل سے آزاد کرا لیا گیا ہے جنہوں نے آزاد ہوتے ہی دوبارہ اپنی دہشتگردانہ سرگرمیاں شروع کر دی ہیں۔

برطانیہ کے وزیر خارجہ ڈیوڈ لیمی نے بتایا ہے اس ملک کے اعلیٰ عہدے داروں کا ایک وفد شام کی عبوری حکومت کے حکام سے ملنے کے لئے دمشق روانہ کیا گیا ہے۔

اس سے قبل انہوں نے دہشتگردوں کی فہرست میں تحریر الشام گروہ کا نام درج ہونے کا اعتراف کرتے ہوئے اس گروہ کے ساتھ اپنے سفارتی رابطے کی خبر دی تھی۔