عراقی کتائب حزب اللہ کا شام کی موجودہ صورت حال پر سخت ردعمل

شیعیت نیوز: المیادین کے حوالے سے بتایا گیا ہے کہ عراق کی کتائب حزب اللہ نے ایک بیان جاری کرتے ہوئے شام کی موجودہ صورت حال پر ردعمل ظاہر کیا ہے۔

عراقی مزاحمتی تنظیم نے واضح کیا ہے کہ شامی فوج، اپنے کمانڈ اسٹاف میں موجود مسائل کے باوجود، کئی دہائیوں سے جاری مثالی مزاحمت کی اعلیٰ مثال رہی ہے۔

یہ بھی پڑھیں: سابق چیئرمین قرآن فاونڈیشن ڈاکٹر پروفیسر باقر شیئم نقوی انتقال کر گئے

بیان میں کہا گیا ہے کہ خونخوار گروہ النصرہ اور داعش اپنی درندگی اور سفاکیت کو کیمروں کے سامنے انسانیت پسندی کے نقاب سے چھپانے کی کوشش کر رہے ہیں، جو کہ بے سود ہے۔

عراقی حزب اللہ نے مزید کہا ہے کہ شام میں مقدس مقامات پر کسی بھی ممکنہ حملے کی تمام تر ذمہ داری ان دہشت گردوں کی حمایت کرنے والے دو ممالک پر عائد ہوتی ہے۔

بیان میں یہ بھی کہا گیا ہے کہ ہم شام کی موجودہ صورت حال پر گہری نظر رکھے ہوئے ہیں اور ان فریقوں کے ابھرنے کا انتظار کر رہے ہیں جن کے ساتھ مزاحمت اور مسئلہ فلسطین کی بنیاد پر مفاہمت تک پہنچا جا سکے۔