شام کی تقسیم ہماری ریڈ لائن ہے، خطرات کا بھرپور مقابلہ کریں گے، عراقی ترجمان

شیعیت نیوز: روسیا الیوم کے حوالے سے کہا گیا ہے کہ شام میں تکفیری دہشت گردوں کے بڑھتے ہوئے حملوں کی وجہ سے پڑوسی ممالک کی تشویش میں اضافہ ہوا ہے۔

عراقی حکومت کے ترجمان باسم العوادی نے کہا ہے کہ عراق شام کی حکومت کی حاکمیت اور شام کی سالمیت کا مکمل احترام کرتا ہے۔ شام کی تقسیم ہماری ریڈ لائن ہے۔

یہ بھی پڑھیں: اردگان کی منافقت بے نقاب: اسرائیل کے خلاف زبانی باتیں اور شام کے خلاف عملی اقدامات

انہوں نے کہا کہ عراق نے متعدد خطرات کا کامیابی سے مقابلہ کیا ہے۔ ماضی میں ملک کو سنگین خطرات لاحق تھے، لیکن ہم نے انہیں کامیابی کے ساتھ عبور کیا۔

انہوں نے کہا کہ شام میں ہونے والے فسادات اور تکفیری دہشت گردوں کے حملے عراق کی سلامتی کے لئے بھی خطرہ ہیں۔ ہم پوری طاقت کے ساتھ اس بحران کے حل کے لئے کوشش کر رہے ہیں۔

عراقی ترجمان نے مزید کہا کہ عراق اپنی سلامتی کو درپیش خطرات کا بھرپور مقابلہ کرے گا۔ ہم شام میں فوجی مداخلت نہیں کریں گے۔