جنوبی لبنان میں حزب اللہ سے جھڑپیں: صیہونی فوج کے اعلیٰ عہدیدار کا استعفیٰ
صیہونی فوجی حکام کے استعفوں میں اضافہ: گولانی بریگیڈ کے چیف یواف یروم نے بھی استعفیٰ دے دیا

شیعیت نیوز: شہاب نیوز کی رپورٹ کے مطابق، صیہونی حکومت کے ایک اور اعلیٰ فوجی عہدیدار نے اپنے عہدے سے استعفیٰ دے دیا۔
صیہونی میڈیا ذرائع نے خبر دی ہے کہ گولانی بریگیڈ کے چیف، یواف یروم نے اپنا استعفیٰ اعلیٰ افسران کو پیش کر دیا ہے۔ یروم نے کہا کہ وہ ایک صیہونی کی موت کی مکمل ذمہ داری قبول کرتے ہیں جو جنوبی لبنان پر فوج کشی کے دوران ان کے ساتھ تھا، اور اسی وجہ سے وہ مستعفی ہو رہے ہیں۔
یہ بھی پڑھیں: آل سعود کی بے شرمی، نیم ملبوس خاتون ٹک ٹاکر سے غلاف خانہ کعبہ کی آرائش کروا ڈالی
یروم نے ہلاک ہونے والے صیہونی کو "زیف ایرلچ” نامی محقق قرار دیا، لیکن یہ وضاحت نہیں کی کہ ایک محقق کو صیہونی فوجیوں کے جرائم کے دوران ان کے شانہ بشانہ کیوں ہونا چاہیے تھا۔
واضح رہے کہ مستعفی ہونے والے صیہونی فوج کے یہ اعلیٰ عہدیدار "زیف ایرلچ” کے ہمراہ جنوبی لبنان میں حزب اللہ کے ساتھ جھڑپوں کے دوران زخمی ہوئے تھے۔