پاراچنار لہو لہو، ایم ڈبلیو ایم کا 3 روزہ سوگ کا اعلان

شیعیت نیوز : ضلع کرم میں مسافر کانوائے کی بسوں پر مسلح تکفیری دہشت گردوں کے حملے اور چالیس سے زائد شیعہ مسافروں کے بہیمانہ قتل عام کے خلاف نیشنل پریس کلب اسلام آباد میں صحافیوں سے گفتگو کرتے ہوئے مجلس وحدت مسلمین پاکستان کے مرکزی جنرل سیکرٹری سید ناصر عباس شیرازی نے ملک بھر میں تین روزہ سوگ اور کل بروز جمعہ یوم احتجاج کا اعلان کردیا ہے۔

ان کا کہنا تھا کہ مسافروں پر حملہ بدترین دہشتگردی ہے۔

امن و امان کی مسلسل بدترین صورتحال علی امین گنڈاپور، وفاقی وزیر داخلہ اور سیکورٹی اداروں کی کارگردگی پر سوالیہ نشان ہے۔

سانحہ کی تمام تر ذمہ داری کے پی کے حکومت پر عائد ہوتی ہے اور وفاقی حکومت بھی سانحہ بگن کی ذمہ دار ہے۔

پچاس سے زائد افراد شہید ہو گئے، وزیر داخلہ کی مجرمانہ خاموشی کی مذمت کرتے ہیں۔

مجلس وحدت مسلمین سانحہ بگن پر تین روزہ سوگ کا اعلان کرتی ہے۔

یہ بھی پڑھیں : واقعہ کرم حکومت اور قانون نافذ کرنے والے اداروں کی ناکامی ہے، مولانا فضل الرحمان

ہمارے ایم این اے کو آئینی ترمیم پر ساتھ دینے کی قیمت پر کرم میں امن قائم کرنے کا عندیہ دیا گیا۔

کل بروز جمعہ اس دہشگردی اور بربریت کے خلاف ملک گیر احتجاجات کئے جائیں گے۔

حکمران اس ملک کو ہمارے خون کی قیمت پر چلانا چاہتے ہیں۔

شہیدوں کو ان کے گھروں تک پہنچانے کے لئے اقدامات کئے جائیں۔

دہشتگردوں کی سرکوبی کے لئے فوری آپریشن شروع کیا جائے۔

ذمہ داری قانون نافذ کرنے والے اداروں پر عائد ہوتی ہے۔

حکومتی ذمہ داران کو اس بات کا علم تھا کہ صورتحال انتہائی حساس اور خطرناک ہے لیکن پھر بھی حالات کی بہتری کیلئے کوئی خاطر خواہ اور موثر اقدامات نہیں اٹھائے گئے۔