پاکستان میں شنگھائی تعاون تنظیم (SCO) کا اجلاس: معیشت، تجارت، ماحولیات اور سماجی روابط پر تبادلہ خیال
وزیر اعظم شہباز شریف اور دیگر رہنما ایس سی او اجلاس میں تنظیمی فیصلوں اور بجٹ کی منظوری پر بات کریں گے، اسحاق ڈار اور ژانگ منگ میڈیا سے بات کریں گے۔

شیعیت نیوز: پاکستان کے وزیر اعظم شہباز شریف کا عشائیے میں سربراہان مملکت کا استقبال، ایس سی او اجلاس میں اہم تنظیمی فیصلے متوقع
اسلام آباد: پاکستان کے وزیر اعظم شہباز شریف نے عشائیے میں شرکت کے لیے آنے والے تمام سربراہان مملکت اور دیگر معزز مہمانوں کا پرتپاک استقبال کیا۔
بدھ کے روز، شنگھائی تعاون تنظیم (SCO) کے رکن ممالک کے سربراہان جناح کنونشن سینٹر اسلام آباد میں اکٹھے ہوں گے، جہاں معیشت، تجارت، ماحولیات، اور سماجی و ثقافتی روابط کے شعبوں میں جاری تعاون پر تبادلہ خیال کیا جائے گا۔ اس اجلاس کے دوران تنظیم کی کارکردگی کا جائزہ لیا جائے گا، اور تعاون کو مزید فروغ دینے کے لیے اہم فیصلے کیے جائیں گے۔
یہ بھی پڑھیں : لبنان کی حزب اللہ کے بیلسٹک میزائل حملوں سے صیہونی پناہ گاہوں میں محصور
اجلاس میں مختلف دستاویزات پر دستخط کیے جائیں گے، جس کے بعد وزیر اعظم شہباز شریف اختتامی کلمات پیش کریں گے۔ اس کے بعد، نائب وزیر اعظم اور وزیر خزانہ اسحاق ڈار، ایس سی او کے سیکریٹری جنرل ژانگ منگ کے ساتھ دو روزہ سربراہی اجلاس کی جھلکیوں اور نتائج پر میڈیا کو آگاہ کریں گے۔ بدھ کو وزیر اعظم سرکاری ظہرانہ بھی دیں گے۔