بچوں کو اغوا، فروخت اور بدفعلی کرنے والا لشکر جھنگوی کا گروہ گرفتار، 29 بچے بازیاب

شیعیت نیوز: پنجاب پولیس نے کوٹلی آزاد کشمیر میں چھاپہ مار کارروائی کرکے بچوں کو اغوا کرنے کے بعد انہیں فروخت کرنے اور بدفعلی کرنے والے مبینہ لشکرجھنگوی کے گروہ کو گرفتار کرلیا اور ان کی تحویل سے 29 بچوں کو بازیاب کروا لیا۔

نجی ٹی وی کے مطابق، یہ پنجاب سے بچوں کو اغوا کرنے، انہیں فروخت کرنے اور بدفعلی کا نشانہ بنانے کا سب سے بڑا سکینڈل ہے۔ لاہور آرگنائزڈ کرائم یونٹ کے اغوا برائے تاوان سیل نے کوٹلی آزاد کشمیر میں چھاپہ مارا اور 29 بچوں کو بازیاب کروایا۔

یہ بھی پڑھیں: پارہ چنار، آغائے مزمل حسین کی جرگہ میں شرکت قیمتی جانوں کے ضیاع پر اظہار تشویش

پولیس نے بچوں کو اغوا کرنے کے بعد انہیں فروخت کرنے اور ان کے ساتھ بدفعلی کرنے والے لشکرجھنگوی کے ملزمان کو گرفتار کرلیا۔ پولیس کے مطابق ملزمان بچوں کو نوکری کا جھانسہ دے کر آزاد کشمیر لے جاتے اور جبری مشقت کے ساتھ جنسی زیادتی کا بھی نشانہ بناتے۔

پولیس کے مطابق ملزمان سے تفتیش جاری ہے جس میں مزید انکشافات سامنے آئیں گے جب کہ ان کے ساتھ ملوث دیگر افراد کی گرفتاری کے لیے اقدامات جاری ہیں۔