ایران نے مشکلات جھیلیں مگر انقلاب کے مشن کو جاری رکھا ہوا ہے، علامہ ریاض نجفی

شیعیت نیوز : وفاق المدارس الشیعہ پاکستان کے صدرعلامہ حافظ سید ریاض حسین نجفی نے جامع مسجد علی حوزہ علمیہ جامعة المنتظر لاہور میں خطبہ جمعہ دیتے ہوئے واضح کیا ہے کہ حکم قران کے مطابق مسلمان کی شناخت اسلام ہے، فرقہ نہیں۔

انہوں نے کہا کہ ہمیں اپنی محافل اور مجالس میں اتحاد و وحدت، مساوات اور توحید کو فروغ دینا چاہیے چونکہ کلمہ طیبہ پڑھنے اور اس پر ایمان لانے کے بعد انسان دنیا سے آزاد ہو جاتا ہے اور وہی کچھ کرتا ہے جو اللہ کا حکم ہوتا ہے۔

ہم انبیاءاور آئمہ کو خداوند قدوس کے حکم پر مانتے ہیں۔

یہ کلمہ طیبہ لا الہٰ الا اللہ کی پیروی ہے۔

پیغمبر اکرم صلی اللہ علیہ وآلہ وسلم کو تبلیغ دین سے روکنے کیلئے کفار نے مال و دولت کی پیشکش کی مگر آپ نے فرمایا:’ میں اللہ کے حکم کو لوگوں تک پہنچانے سے دریغ نہیں کروں گا، چاہے میرے ایک ہاتھ پر سورج اور دوسرے پر چاند رکھ دیا جائے‘۔

یہ بھی پڑھیں : جی بی میں زمینوں پر قبضہ غیر آئینی اور انسانی حقوق کے مخالف ہے، سید احمد رضوی

امیر المومنین حضرت علی علیہ السلام کا بھی فرمان مبارک ہے کہ پوری دنیا میری مخالف ہو جائے میں حق کا راستہ نہیں چھوڑوں گا۔

حافظ ریاض نجفی نے کہا کہ بانی انقلاب اسلامی حضرت امام خمینی رحمتہ اللہ علیہ کو انقلاب کا راستہ چھوڑنے کے لیے دباو ڈالا گیا تو انہوں نے امریکہ اور روس کے خلاف’ لا شرقی، لاغربیہ کا نعرہ لگایا کہ وہ مغرب کی مانتے ہیں اور نہ ہی مشرق کی، وہ اللہ تعالیٰ کے دین کے مطابق عمل کریں گے۔

اس طرح ایران نے بڑی مشکلات جھیلیں لیکن بانی انقلاب اسلامی کے مشن کو ابھی تک جاری رکھا ہوا ہے۔