جی بی میں زمینوں پر قبضہ غیر آئینی اور انسانی حقوق کے مخالف ہے، سید احمد رضوی

شیعیت نیوز : جامعہ روحانیت بلتستان پاکستان کے سربراہ سید احمد رضوی نے اپنے ایک بیان میں کہا ہے کہ گلگت بلتستان کی سرزمین پر خالصہ سرکار کا کوئی جواز نہیں بنتا۔

یہ خطہ یہاں کے مکینوں کا ہے اور سرفہ رنگا کی زمینوں پر ان کا حق فطری اور تاریخی ہے۔

ہم حکومت کی جانب سے جبری قبضے اور طاقت کے استعمال کو یکسر مسترد کرتے ہیں اور اسے ظلم و جبر کی بدترین مثال سمجھتے ہیں۔

طاقت کے ذریعے زمینوں پر قبضہ کرنا نہ صرف غیر قانونی ہے بلکہ انسانی حقوق کی صریح خلاف ورزی بھی ہے۔

ہم مظلوم عوام کے ساتھ مکمل یکجہتی کا اظہار کرتے ہیں اور ان کے پرامن احتجاج کی حمایت کرتے ہیں۔

یہ بھی پڑھیں : قادیانیوں کے متعلق سپریم کورٹ کا فیصلہ تاریخ ساز ہے، لیاقت بلوچ

ان کا احتجاج ان کے حقوق کی بازیابی کا جمہوری طریقہ ہے، جس کی بھرپور حمایت کی جانی چاہیئے۔

جبری قبضے، ظلم و ستم اور عوامی حقوق کی پامالی کے خلاف ہمارا موقف واضح ہے۔

گلگت بلتستان کے عوام اپنے حقوق کے حصول کے لیے جدوجہد کر رہے ہیں۔

یہ علماء حق اور انصاف کی آواز بن کر مظلوموں کے حقوق کی پاسداری کے لیے میدان میں آئے ہیں اور ان کا کردار قابلِ تحسین ہے۔

سرفہ رنگا کی زمین یہاں کے مکینوں کی ہے اور ان کے اس حق کا تحفظ ہر ذی شعور کی ذمہ داری ہے۔

ہم ان علماء کے موقف کی بھرپور حمایت کرتے ہیں، جو مظلوموں کے حق کے لیے آواز بلند کر رہے ہیں۔

ہم حکومت سے مطالبہ کرتے ہیں کہ علماء کی آواز کو سنے اور گلگت بلتستان کے عوام کے حقوق کا احترام کرے۔

علماء کی قیادت میں یہ حق اور انصاف کی جد وجہد ہے، اور ہم ہر قدم پر ان کے ساتھ ہیں۔