حزب اللہ نصر اللہ کے فرزند ہیں، اسرائیل کے خلاف مزاحمت جاری رکھیں گے، شیخ نعیم قاسم

شیعیت نیوز: حزب اللہ کے ڈپٹی سیکرٹری جنرل شیخ نعیم قاسم نے شہید سید حسن نصر اللہ کو خراج تحسین پیش کرتے ہوئے کہا کہ ہم نصر اللہ کے فرزند ہیں اور پوری طاقت کے ساتھ ان کے راستے کو جاری رکھیں گے۔

انہوں نے کہا کہ حزب اللہ کی مزاحمتی فورسز مجرم صیہونی حکومت اور امریکہ سے خوفزدہ نہیں ہیں۔ قاتل رجیم امریکہ کے سہارے ہمیں ڈرانا چاہتی ہے لیکن ہم ان سے نہیں ڈرتے اور اپنے مقصد سے پیچھے نہیں ہٹیں گے۔ ہم شہید سید حسن نصر اللہ کے فرزند ہیں اور مزاحمتی محور اسرائیلی جارحیت کے سامنے ایک بہت بڑا محاذ ہے۔

شیخ نعیم قاسم نے آپریشن طوفان الاقصیٰ کی طرف اشارہ کرتے ہوئے کہا کہ یہ آپریشن مغربی ایشیا میں تبدیلی کا آغاز ہے۔ انہوں نے کہا کہ خونخوار امریکہ قاتل صیہونی حکومت کے جرائم میں شریک ہے۔

انہوں نے مزید کہا کہ ایران فلسطین اور لبنان کی مزاحمتی تحریکوں کی حمایت کے اپنے موقف پر قائم ہے۔ صیہونی حکومت نے جنگ شروع کی لیکن وہ اپنے شوم مقاصد حاصل کرنے میں ناکام رہے گی۔

یہ بھی پڑھیں: حزب اللہ کا حیفا پر اب تک کا بڑا میزائل حملہ، اسرائیل میں خطرے کے سائرن

لبنان جنگ میں اسرائیل کا واحد مقصد زیادہ سے زیادہ شہریوں کو شہید کرنا ہے، لیکن حزب اللہ اور امل تحریک اسرائیل کے مقابلے میں متحد ہیں اور ہماری فوجی صلاحیتیں آمادہ ہیں۔

شیخ نعیم قاسم نے مزید کہا کہ جتنی طویل جنگ جاری رہے گی، اسرائیل کو اتنا ہی مشکل حالات کا سامنا کرنا پڑے گا۔ ہم دشمن پر حملہ کر رہے ہیں اور جوابی کاروائیوں کا دائرہ بڑھا رہے ہیں۔