سینیٹر علامہ راجہ ناصر عباس جعفری کی وزیراعلی خیبرپختونخوا سے ملاقات

شیعیت نیوز : مجلس وحدت مسلمین پاکستان کے چیئرمین سینیٹرعلامہ راجہ ناصرعباس جعفری کی قیادت میں ایک وفد نے وزیراعلی خیبرپختونخواہ علی امین گنڈاپور اور تحریک انصاف کے چیئرمین بیرسٹر گوہرعلی خان سے اسلام آباد کے پی کے ہاؤس میں ملاقات کی۔

اس ملاقات میں ایم ڈبلیوایم کے مرکزی جنرل سیکریٹری سید ناصر عباس شیرازی سمیت ایم این اے شیخ وقاص اکرم، سینیٹرشبلی فراز، حسین اخونزادہ اورترجمان کے پی کے حکومت بیرسٹرسیف موجود تھے۔

یہ بھی پڑھیں: پارہ چنار میں خونریز جنگ کا ساتواں روز 36 افراد شہید،شہر میں کرفیو کا سماں

ملاقات میں ضلع کرم کے ناگفتہ بہہ صورتحال اور کشیدگی پر تبادلہ خیال کیاگیا۔

دونوں جماعتوں کے قائدین کے درمیان ایک اعلی سطح اجلاس میں ضلع کرم میں جنگ بندی اور دیرپا امن کے لئے مزید اقدامات اٹھانے پر اتفاق کیا گیا۔

اس ملاقات میں شریک تمام قائدین اور پارلیمانی رہنماؤں نے ضلع کرم میں وقفے وقفے سے پیدا ہونے والی کشیدہ جنگی صورتحال پر انتہائی تشویش اور چند روز سے جاری لڑائی میں قیمتی جانوں کے نقصان پر شدید افسوس کا اظہار کیا۔

جنگ کی وجہ سے راستوں کی بندش اور بارڈر پار سے مداخلت کی بدولت معصوم شہریوں کی جان و مال کو ہر گزرتے دن کے ساتھ سنگین خطرات لاحق ہوتے جا رہے ہیں۔