ایئر چیف مارشل ظہیر احمد بابر کی ایران کے سفیر سے ملاقات

شیعیت نیوز: اسلام آباد میں پاکستانی فضائیہ کے کمانڈ ہیڈکوارٹر کے شعبہ رابطہ عامہ کے حوالے سے رپورٹ دی گئی ہے کہ پاکستان کے ایئر چیف مارشل ظہیر احمد بابر نے اسلام آباد میں اسلامی جمہوریہ ایران کے سفیر رضا امیری مقدم سے ملاقات کی، جس میں علاقے کے حالات اور باہمی دلچسپی کے موضوعات پر تبادلہ خیال کیا گیا۔

انہوں نے اس ملاقات میں اسلامی جمہوریہ ایران اور پاکستان کی فضائی افواج کے درمیان خاص طور پر ٹریننگ کے شعبے میں باہمی تعاون کی اہمیت پر زور دیا۔

یہ بھی پڑھیں : روس کے ساتھ تعلقات کا فروغ خارجہ پالیسی کا اہم جزو ہے، اسحاق ڈار

پاکستانی ایئر فورس کے شعبہ رابطہ عامہ کے بیان کے مطابق ایئر چیف مارشل ظہیر احمد بابر نے اسلامی جمہوریہ ایران کے سفیر کے ساتھ اس ملاقات میں پاک فضائیہ کے اسٹریٹیجک ویژن کی وضاحت کی اور بتایا کہ پاکستانی ایئر فورس دنیا کی ایک ماڈرن ایئر فورس ہے۔