شیعہ لاپتہ عزاداروں کی بازیابی کے لیے احتجاج
13 ستمبر, 2024 19:46
شیعیت نیوز : خانوادہ شیعہ لاپتہ عزاداران کی جانب سے الوداعی مرکزی جلوس امام حسن عسکری علیہ السلام کے دوران علماء کرام کی سرپرستی میں احتجاج کیا گیا۔ مظاہرین نے شیعہ لاپتہ عزاداروں کی بازیابی کا مطالبہ کیا اور حکومت سے فوری کارروائی کی درخواست کی۔ جلوس میں شریک افراد نے اپنے عزیزوں کی رہائی کے لیے مختلف پلے کارڈز اور بینرز اٹھا رکھے تھے،
علماء کرام نے اس احتجاج کی قیادت کرتے ہوئے مطالبہ کیا کہ ریاستی ادارے فوری طور پر لاپتہ افراد کی بازیابی کے لیے اقدامات کریں اور انصاف فراہم کریں۔ احتجاج میں شرکت کرنے والے عزاداروں نے کہا کہ ان کے پیارے کئی ماہ سے لاپتہ ہیں۔
یہ بھی پڑھیں : پھانسی کی باتیں نہ کریں کیا اب ایک اور کو مارنا چاہتے ہیں؟سینیٹر علامہ راجہ ناصر عباس جعفری
مظاہرین نے یہ بھی کہا کہ شیعہ برادری کو مسلسل نشانہ بنایا جا رہا ہے اور حکومت سے اپیل کی کہ ان کی مشکلات کا حل نکالا جائے تاکہ مستقبل میں ایسی صورتحال کا سامنا نہ کرنا پڑے۔
