پاکستانپاکستان کی اہم خبریں
وادی تیراہ میں آپریشن: 25 خارجی ہلاک، 4 فوجی شہید
پاکستان کی سیکیورٹی فورسز نے تیراہ میں سات روز سے جاری آپریشن کے دوران 25 دہشت گردوں کو ہلاک کرنے کا دعوی کیا ہے۔
شیعیت نیوز : آئی ایس پی آر کے مطابق سیکیورٹی فورسز نے ضلع خیبر کے علاقے تیراہ میں نام نہاد لشکرِ اسلام اور جماعت الاحرار کے خلاف وسیع پیمانے پر انٹیلی جنس بیسڈ آپریشنز کیے جس کے نتیجے میں خارجیوں کو بھاری نقصان پہنچا ہے۔
20 اگست سے جاری آئی بی اوز کے دوران، سیکیورٹی فورسز نے اب تک 25 خارجیوں کو ہلاک کردیا جن میں ان کا سرغنہ ابوذر عرف صدام بھی شامل ہے۔ ان کارروائیوں میں 11 خارجی زخمی ہوئے ہیں۔
یہ بھی پڑھیں : بلوچستان میں نوجوانوں کو شناخت کر کے قتل کرنا قابل مذمت ہے، علامہ راجا ناصر
آئی ایس پی آر نے کہا ہے کہ آپریشنز کے دوران، چار سپاہیوں نے بہادری سے لڑتے ہوئے وطن کی حفاظت کے لیے اپنی جانوں کا نذرانہ پیش کیا۔
