چہلم کے موقع پر کالعدم تنظیم کو جلسے کی اجازت کس نے دی؟ علامہ صادق جعفر
تمام افراد کو ٹرکوں اور مسافر بسوں سے اتار کر فائرنگ کر کے قتل کر دیا گیا۔ جن کے بارے میں بتایا جا رہا ہے کہ ان سب مقتولین کا تعلق صوبہ پنجاب سے تھا۔

شیعیت نیوز: چہلم امام حسینؑ کے حساس موقع پر شہر قائد کا امن و امان تباہ کرنے کی مذموم کوشش کی جا رہی ہے۔ کالعدم تکفیری دہشت گرد جماعت کو اس حساس موقع پر جلسہ جلوس کی اجازت کس نے فراہم کی؟ گولیمار میں شیعہ عزاداروں پر حملہ ایک منظم سازش کے تحت کیا گیا۔
ان خیالات کا اظہار مجلس وحدت مسلمین کراچی ڈویژن کے صدر علامہ صادق جعفری نے گولیمار علی بستی میں شہید ہونے والے جنید حیدر کے اہل خانہ سے گفتگو کرتے ہوئے کیا۔ اس موقع پر صدر عزاداری ونگ کراچی سید رضی حیدر رضوی، حسن کمیل، علی حیدر کاظمی و دیگر رہنما بھی ان کے ہمراہ موجود تھے۔
یہ بھی پڑھیں : امام حسینؑ کا پیغام دنیا کی نجات و کامرانی کا پیغام ہے، علامہ راجہ ناصر عباس جعفری
علامہ صادق جعفری نے مزید کہا کہ سندھ حکومت کالعدم تنظیم کی فعالیت کا فوری نوٹس لے، وہ کون سے حکام ہیں جنہوں نے چہلم امام حسینؑ کے حساس موقع پر ان شرپسند عناصر کو شہر کا امن برباد کرنے کے لیے جلسے جلوس کی اجازت فراہم کی۔ بے گناہ عزادار جنید حیدر کو بے دردی سے فائرنگ کرکے شہید کیا گیا۔
قانون نافذ کرنے والے ادارے فوری طور پر قاتلوں کو گرفتار کرکے کیفر کردار تک پہنچائیں۔ ملت جعفریہ میں اس دہشت گرد حملے کے خلاف شدید اشتعال پایا جاتا ہے، اگر شیعیان حیدر کرارؑ کو انصاف نہ ملا تو پر امن احتجاج کا حق محفوظ رکھتے ہیں۔