جامعۃ الکوثر اسلام آباد میں آیۃ اللہ سید ابو القاسم الخوئی کی برسی
آیت اللہ الخوئی کے شاگرد اور امام جمعہ مرکزی جامع مسجد سکردو بلتستان علامہ شیخ محمد حسن جعفری اور کراچی سے آئے معروف عالم دین علامه شيخ ناصر مهدوی نے کلیدی خطاب کیا۔
شیعیت نیوز:جامعۃ الکوثر اسلام آباد میں آیۃ اللہ سید ابو القاسم الخوئی کی ۳۳ویں برسی کی مناسبت سے تعزیتی ریفرنس کا انعقاد کیا گیا۔
تعزیتی ریفرنس کا انعقاد المصطفی آڈیٹوریم جامعۃ الکوثر میں کیا گیا۔
جس میں جامعہ کے طلاب و اساتذہ کے علاوہ جید علماء کرام اور دیگر مہمانوں نے شرکت کی۔
تلاوت کلام پاک کا شرف قاری منھال قنبر نے حاصل کرتے ہوئے اپنی خوبصورت آواز اور بہترین انداز سے حاضرین کے دلوں کو نور کلمات الٰہی سے روشن کیا۔
یہ بھی پڑھیں : محسن ملت آیت اللہ شیخ محسن نجفی کی اہلیہ محترمہ انتقال کرگئیں
آیت اللہ الخوئی کے شاگرد اور امام جمعہ مرکزی جامع مسجد سکردو بلتستان علامہ شیخ محمد حسن جعفری اور کراچی سے آئے معروف عالم دین علامه شيخ ناصر مهدوی نے کلیدی خطاب کیا۔
دونوں شخصیات نے بہترین انداز میں آیت اللہ الخوئی کی خدمات اور ان کی منفرد علمی شخصیت کے حوالے سے گفتگو کی۔
اس تعزیتی ریفرنس کا اختتام قلب عالم امکان، حضرت امام زمان عجل اللہ تعالٰی فرجہ الشریف کی سلامتی اور آپ عج کے ظہور میں تعجیل کی دعا کے ساتھ ہوا۔
