ناگاساکی پر ایٹمی حملے کی برسی پر اسرائیلی سفیر کو دعوت نہیں دی گئی

شیعیت نیوز : غیرملکی نشریاتی اداروں کے مطابق، ناگاساکی حملے کی یادگار پر پھول رکھے گئے اور خاموشی اختیار کی گئی۔ اس دوران صیہونی حکومت کو اس پروگرام میں مدعو نہ کیے جانے پر مغربی ممالک نے پروگرام میں شرکت سے انکار کر دیا تھا۔

پروگرام سے خطاب کرتے ہوئے ناگاساکی کے میئر شیرو سوزوکی نے کہا کہ اسرائیلی سفیر کو نہ بلانے کا فیصلہ جامع تھا، ہم پُرامن ماحول میں پروگرام کا انعقاد چاہتے ہیں۔

واضح رہے کہ 9 اگست 1945 کو امریکا نے جاپان کے شہر ناگاساکی پر ایٹم بم گرایا تھا جس میں چوہتر ہزار افراد مارے گئے تھے، جبکہ اس سے تین روز قبل بھی امریکا نے جاپان کے شہر ہیروشیما پر ایٹم بم گرایا تھا جس میں سترہزار سے زائد جاپانی شہری مارے گئے تھے۔

یہ بھی پڑھیں : حزب اللہ نے اسرائیل کو دندان شکن جواب دے دیا

امریکا کی اس وحشیانہ بمباری نے پوری انسانیت کو جھنجھوڑ کر رکھ دیا تھا، اسی لیے اس دن کو تاریخ میں سیاہ ترین دن سمجھا جاتا ہے۔