پاکستانی زائرین کی خدمت اعزاز ہے، کمانڈر سپاہ پاسداران
سپاہ پاسداران انقلاب کے سیستان و بلوچستان کے کمانڈر نے کہا ہے کہ اہل بیت کے عشق سے سرشار پاکستانی زائرین ایران کے معزز مہمان ہیں۔ مزید دلچسپ بنائیں: سپاہ پاسداران انقلاب کے سیستان و بلوچستان کے کمانڈر نے کہا ہے کہ اہل بیت کے عشق سے سرشار پاکستانی زائرین ہمارے دلوں کے مہمان ہیں، اور ان کی خدمت ہمارے لیے باعثِ فخر ہے۔
شیعیت نیوز: مہر خبررساں ایجنسی کی رپورٹ کے مطابق، سپاہ پاسداران انقلاب اسلامی سیستان و بلوچستان کے سربراہ جنرل احمد شفائی نے زاہدان میں پاکستانی زائرین کی خدمت پر مامور اربعین کمیٹی کے اراکین سے ملاقات کے دوران کہا کہ زائرین حسینی کی خدمت ایران خصوصاً سیستان و بلوچستان کے لیے اعزاز کی بات ہے۔ زائرین کی خدمت نصیب ہونے پر ہمیں اللہ کا شکر ادا کرنا چاہئے۔
انہوں نے کہا کہ خدمت کا یہ موقع ہمیں مومنین کی دعاؤں کی بدولت ملا ہے لہذا خدمت کے علاوہ کوئی اور ہدف ذہن میں رکھنا غلط ہے۔
یہ بھی پڑھیں : تفتان بارڈر پر سینکڑوں زائرین10 دن سے محصور،کوئی پرسان حال نہیں
جنرل شفائی نے کہا کہ زائرین کرام کی خدمت کا سلسلہ صفر سے شروع ہوا اور آج اس مقام پر پہنچا ہے اور پورے ملک میں وسیع پیمانے پر خدمت کی جاتی ہے۔
انہوں نے کہا کہ پاکستانی زائرین اہل بیت کے حقیقی عشق سے سرشار ہیں۔ ان کی خدمت کی ہمیں توفیق نصیب ہوئی ہے۔ سپاہ پاسداران انقلاب زائرین کی خدمت کے لیے اپنی تمام تر توانائیوں کو استعمال کرے گی۔
