آئی ایس او کی لاہور پریس کلب سے امریکی قونصلیٹ تک احتجاجی ریلی
اس موقع پر آئی ایس او کے رہنماوں نے خطاب کرتے ہوئے کہا کہ اسرائیلی ناسور کا واحد علاج اس کا خاتمہ ہے۔ اسماعیل ہنیہ کی شہادت سے عالم اسلام کا عظیم نقصان ہوا یہ جنگ نہیں کھلی دہشتگردی ہے، جس میں برطانیہ جرمنی سمیت تمام استکباری ممالک شامل ہیں۔
شیعیت نیوز: امامیہ اسٹوڈنٹس آرگنائزیشن پاکستان لاہور ڈویژن کے زیراہتمام امت مسلمہ کے ہیرو اور فسلطینی رہنما اسماعیل ہانیہ کی شہادت کے المناک سانحہ پر لاہور پریس کلب سے امریکی قونصلیٹ تک احتجاجی نکالی گئی۔
ریلی کی قیادت آئی ایس او لاہور کے صدر ذریت شاہ نقوی نے کی۔ م احتجاجی ریلی میں خواتین، بچوں اور جوانوں نے کثیر تعداد نے شرکت کی۔
اس موقع پر آئی ایس او کے رہنماوں نے خطاب کرتے ہوئے کہا کہ اسرائیلی ناسور کا واحد علاج اس کا خاتمہ ہے۔
اسماعیل ہنیہ کی شہادت سے عالم اسلام کا عظیم نقصان ہوا یہ جنگ نہیں کھلی دہشتگردی ہے، جس میں برطانیہ جرمنی سمیت تمام استکباری ممالک شامل ہیں۔
یہ بھی پڑھیں: آئی ایس او پاکستان کا امریکہ و اسرائیل مخالف ملک گیر احتجاج کا اعلان
مقررین کا کہنا تھا کہ جب تک دنیا پر صہیونی مسلط رہیں گے امن ممکن نہیں، عالم اسلام کو اب عالم کفر کیخلاف متحد ہونا ہوگا، دنیا میں امن تب ہی ممکن ہے، جب ظالمین کے ہاتھوں کو توڑ دیا جائے گا۔
ضرورت اس امر کی ہے کہ پورا عالم اسلام متحد ہو کر غاصب ریاست کیخلاف قیام کرے اور دنیا کو اس سے نجات دلائے۔ انہوں نے مزید کہا کہ شہید کا قتل کھلی دہشت گردی اور بین الاقوامی قوانین کی صریح خلاف ورزی ہے۔
شہید القدس کا خون رائیگاں نہیں جائے گا۔
فلسطینی مزاحمت اور اسرائیل مخالف تحریک کی صفوں کو تقویت ملی گی۔
