قرآن مجید سے تعلق کامیاب زندگی کی دلیل ہے، علامہ ڈاکٹر سید محمد نجفی
وفاق المدارس الشیعہ پاکستان کے مرکزی رہنما نے جامع علی مسجد حوزہ علمیہ جامعتہ المنتظر لاہور میں خطبۂ جمعہ دیتے ہوئے کہا ہے کہ قرآن مجید سے تمسک اور تعلق زندگی میں کامیابی کی دلیل ہے۔
شیعیت نیوز : وفاق المدارس الشیعہ پاکستان کے مرکزی رہنما علامہ ڈاکٹر سید محمد نجفی نے جامع علی مسجد حوزہ علمیہ جامعتہ المنتظر میں خطبۂ جمعہ دیتے ہوئے کہا ہے کہ قرآن مجید سے تمسک اور تعلق زندگی میں کامیابی کی دلیل ہے۔
ہمیں گھروں میں قرآن فہمی کو فروغ دینے کے لئے کم از کم پانچ منٹ روزانہ قرآن مجید کو دینے چاہیں۔
تلاوت کلام حکیم کے ساتھ ساتھ ترجمہ پڑھنے سے ہم قرآن مجید کی تفہیم کی طرف متوجہ ہو سکتے ہیں۔
قرآن مجید کو سمجھنے سے ہماری رہنمائی ہوگی۔
اس سے معاشرے میں عدل و انصاف کو فروغ حاصل ہوگا۔
یہ بھی پڑھیں : آئی ایس او جھنگ کے زیر اہتمام دوران مرکزی جلوس عاشور نماز ظہرین کا انعقاد
ہم اپنے ملازمین اور ہمسایوں کے ساتھ اچھا سلوک کرنے کی ہدایت حاصل کریں گے۔
وراثت میں اپنی بیٹیوں کو حصہ دیں اور قرآن مجید عدل و انصاف کا درس دیا ہے۔
ہمیں معاملات زندگی میں اپنی مرضی کرنے کے بجائے اپنے نفس کو رضائے خدا کے حوالے کر دینا چاہیے۔
پسید الشہداء حضرت امام حسین علیہ السلام نے بار بار فرمایا کہ ان کی طرف سے یزیدیت کے خلاف قیام کا مقصد نانا کی امت کی اصلاح کرنا ہے۔
آپ بار بار بتاتے رہے کہ میں سنت و سیرت نبوی پر امت کو چلانے اور امر باالمعروف و نہی عن المنکر کے لیے نکلا ہوں۔
امر باالمعروف نہ کرنے کی دو وجوہات ہو سکتی ہیں۔
موت کا ڈر اور رزق میں کمی، لیکن حکم خداوندی ہے کہ موت وقت مقررہ سے پہلے نہیں آئے گی، جبکہ امر بالمعروف سے رزق کم ہو جانے کا خدشہ، یہ رزق میں کمی نہیں کرتے۔
