غزہ،شہداء کی تعداد 36 ہزار سے تجاوز کر گئی، فلسطینی ذرائع

شیعیت نیوز:غزہ کی پٹی میں فلسطینی وزارت صحت نے گذشتہ سال 7 اکتوبر سے غزہ کی پٹی پر صہیونی فوج کے حملوں میں شہید اور زخمی ہونے والوں کے تازہ ترین اعداد و شمار جاری کئے ہیں۔

وزارت صحت کے مطابق گزشتہ برس 7 اکتوبر سے غزہ کی پٹی پر اسرائیلی فوج کے حملوں کے نتیجے میں 36 ہزار 550 افراد شہید ہو چکے ہیں۔

اس فلسطینی طبی ادارے نے بتایا کہ جنگ کے آغاز سے لے کر اب تک صیہونی فوج کے حملوں میں زخمی ہونے والوں کی کل تعداد 82 ہزار 959 تک پہنچ گئی ہے۔

یہ بھی پڑھیں:غزہ پر حملوں کی شدید مذمت،جنگ بندی کا مطالبہ کرتے ہیں،وزیر اعظم پاکستان

جب کہ پچھلے 24 گھنٹوں کے دوران صہیونی فوج نے غزہ کی پٹی میں قتل وغارت گری کے سات جرائم کا ارتکاب کیا ہے جس کے نتیجے میں 71 افراد شہید اور 182 زخمی ہوئے ہیں۔

غزہ کی وزارت صحت نے اس بات پر زور دیا کہ بعض شہداء کی لاشیں ابھی بھی ملبے کے نیچے اور گلیوں میں موجود ہیں لیکن قابض فوج ریسکیو ٹیموں کو وہاں جانے سے روک رہی ہے۔